പനച്ചിക്കാട് വിദ്യാരംഭം: 1, 2 തീയതികളില്‍ ഗതാഗത നിയന്ത്രണങ്ങൾ ഏർപ്പെടുത്തി.

പനച്ചിക്കാട് വിദ്യാരംഭം: 1, 2 തീയതികളില്‍ ഗതാഗത നിയന്ത്രണങ്ങൾ ഏർപ്പെടുത്തി.

കോട്ടയം: പനച്ചിക്കാട് സരസ്വതി ക്ഷേത്രത്തിലെ വിദ്യാരംഭവുമായി ബന്ധപ്പെട്ട് ഒക്ടോബർ 1, 2 തീയതികളില്‍ പോലീസ് ഗതാഗത ക്രമീകരണങ്ങൾ ഏര്‍പ്പെടുത്തി.

          പുതുപ്പള്ളി ഭാഗത്തു നിന്നും വരുന്ന വാഹനങ്ങൾ പാറയ്ക്ൽകടവ് വഴി ചോഴിയക്കാട് കൂടി ഓട്ടക്കാഞ്ഞിരം ജംഗ്ഷൻ, കച്ചേരി കവല വഴി പനച്ചിക്കാട് ക്ഷേത്രത്തിൽ എത്തി നിർദ്ദേശിക്കുന്ന സ്ഥലങ്ങളിൽ മാത്രം വാഹനം പാർക്ക് ചെയ്യേണ്ടതാണ്. വാകത്താനം ഞാലിയാകുഴി ഭാഗത്തു നിന്ന് വരുന്ന വാഹനങ്ങൾ, പാറക്കുളം പരുത്തുംപാറ ജംഗ്ഷനിൽ വന്ന് ഓട്ടക്കാഞ്ഞിരം, കച്ചേരി കവല വഴി അമ്പലത്തിൽ എത്തേണ്ടതും നിർദ്ദേശിക്കുന്ന സ്ഥലങ്ങളിൽ മാത്രം പാർക്ക് ചെയ്യേണ്ടതുമാണ്. ചിങ്ങവനം ഭാഗത്തു നിന്നും വരുന്ന വാഹനങ്ങള്‍ പരുത്തുംപാറ, ഓട്ടക്കാഞ്ഞിരം ജംഗ്ഷൻ വഴി കച്ചേരി കവല പനച്ചിക്കാട് ക്ഷേത്രത്തിൽ എത്തി നിർദ്ദേശിക്കുന്ന സ്ഥലങ്ങളിൽ മാത്രം വാഹനം പാർക്ക് ചെയ്യേണ്ടതുമാണ്. വഴിയരികില്‍ വാഹനം പാര്‍ക്ക്‌ ചെയ്ത് ഗതാഗത തടസ്സം ഉണ്ടാക്കാന്‍ യാതൊരു കാരണവശാലും അനുവദിക്കുന്നതല്ല. പനച്ചിക്കാട് ക്ഷേത്രത്തിലേക്കുള്ള പ്രവേശന വഴി വണ്‍ വേ ആണ്. ആ വഴിയിലൂടെ വാഹനങ്ങള്‍ തിരികെ പോകാൻ അനുവദിക്കുന്നതല്ല

       പനച്ചിക്കാട് ക്ഷേത്രത്തില്‍ നിന്നും വാകത്താനം, ചിങ്ങവനം ഭാഗത്തേക്കു പോകുന്ന വാഹനങ്ങള്‍ വെള്ളൂത്തുരുത്തി - പാറക്കുളം വഴിയാണ് തിരികെ പോകേണ്ടത്. പനച്ചിക്കാട് ക്ഷേത്രത്തില്‍ നിന്നും പുതുപ്പള്ളി ഭാഗത്തേക്ക് പോകുന്ന വാഹനങ്ങള്‍ അമ്പാട്ട്കടവ് വഴി തിരികെ പോകേണ്ടമണ്.