കാണാതായ വിദ്യാര്‍ത്ഥിനിയേയും രണ്ട് യുവാക്കളെയും മരിച്ച നിലയില്‍ കണ്ടെത്തി.
ചെന്നൈ: മൂന്ന് ദിവസം മുമ്പ് കാണാതായ വിദ്യാര്‍ത്ഥിനിയേയും രണ്ട് യുവാക്കളെയും മരിച്ച നിലയില്‍ കണ്ടെത്തി. പ്ലസ് വണ്‍ വിദ്യാര്‍ത്ഥിനിയായ ദര്‍ശന (17), ബന്ധു മാരിമുത്തു (20), ചെന്നൈ സ്വദേശി ആകാശ് (20) എന്നിവരെയാണ് മരിച്ച നിലയില്‍ കണ്ടെത്തിയത്. ഇവര്‍ സഞ്ചരിച്ച ഇരുചക്രവാഹനം കുളത്തിലേക്ക് മറിയുകയായിരുന്നു.
ദര്‍ശനയെ കാണാനില്ലെന്ന് കാട്ടി മാതാപിതാക്കള്‍ പോലീസില്‍ പരാതി നല്‍കിയിരുന്നു. തുടര്‍ന്ന് നടത്തിയ അന്വേഷണത്തിൽ മാനുപ്പട്ടിയില്‍ കൃഷിയിടത്തോട് ചേര്‍ന്നുള്ള കുളത്തില്‍ മൂന്ന് പേരുടെ മൃതദേഹങ്ങള്‍ കണ്ടെത്തുകയായിരുന്നു. പോലീസ് സ്ഥലത്തെത്തി പരിശോധിച്ചതോടെ മരിച്ചവരില്‍ ഒരാള്‍ കാണാതായ പെണ്‍കുട്ടിയാണെന്ന് സ്ഥിരീകരിക്കുകയായിരുന്നു.
0 Comments