ദേശീയ പുരസ്കാര ജേതാവ് വിജയരാഘവനെ അഭിനന്ദിച്ച് മന്ത്രി.

ദേശീയ പുരസ്കാര ജേതാവ് വിജയരാഘവനെ അഭിനന്ദിച്ച് മന്ത്രി.

കോട്ടയം: ദേശീയ ചലച്ചിത്ര പുരസ്കാര ജേതാവ് നടൻ വിജയരാഘവനെ അഭിനന്ദിച്ച് മന്ത്രി വി.എൻ. വാസവൻ. ഒളശ്ശയിലെ വീട്ടിലെത്തി പൊന്നാട അണിയിച്ചാണ് മന്ത്രി സർക്കാരിന്റെ അഭിനന്ദനം അറിയിച്ചത്. പുരസ്കാരലബ്ദി നാടിന്റെയാകെ സന്തോഷമാണെന്ന് മന്ത്രി പറഞ്ഞു. മലയാളി മറക്കാത്ത ഒട്ടേറെ കഥാപാത്രങ്ങളെ സമ്മാനിച്ച പ്രിയപ്പെട്ട നടന് വൈകി ലഭിച്ച അംഗീകാരം ആണെങ്കിലും അഭിമാനത്തിന്റെ നിമിഷങ്ങളാണിത്. സംസ്ഥാന അവാർഡ് ലഭിച്ച വേളയിൽ ദേശീയ അവാർഡ് നേടാനുള്ള എല്ലാ സാധ്യതയും താൻ പ്രവചിച്ചിരുന്നതായും അത് അർത്ഥപൂർണ്ണമായെന്നും മന്ത്രി പറഞ്ഞു.

       നൂറുവയസുകാരന്റെ പ്രായാധിക്യം നടപ്പിലും എടുപ്പിലും വരുത്തിയാണ് വിജയരാഘവൻ എന്ന കുട്ടൻ പൂക്കാലം എന്ന സിനിമയിൽ ഏവരെയും ഞെട്ടിച്ചത്. ഈ നേട്ടം ജനകീയ ഉത്സവമാക്കി മാറ്റുമെന്നും മന്ത്രി പറഞ്ഞു.