സുരേഷ് ഗോപിക്ക് രാഷ്ട്രീയം അറിയില്ലെന്നതിന് മറുപടിയുമായി അബ്ദുള്ളക്കുട്ടി.

സുരേഷ് ഗോപിക്ക് രാഷ്ട്രീയം അറിയില്ലെന്നതിന് മറുപടിയുമായി അബ്ദുള്ളക്കുട്ടി.

 

കോഴിക്കോട്: സുരേഷ് ​ഗോപിയ്ക്ക് രാഷ്ട്രീയം അറിയാല്ലായെന്നു പറയുന്നവർക്ക് കിടിലൻ മറുപടിയുമായി എ.പി. അബ്ദുള്ളക്കുട്ടി. പരമ്പരാ​ഗത രീതിയിലുള്ള രാഷ്ട്രീയ പ്രവർത്തനം മാറ്റേണ്ട സമയം അതിക്രമിച്ചു. രാഷ്ട്രീയക്കാരെക്കുറിച്ചുള്ള മലയാളികളുടെ സമീപനം മാറ്റേണ്ടിയിരിക്കുന്നു. ഇപ്പോഴും ചെഗുവേരയെ ആരാധിക്കുന്ന ചെറുപ്പക്കാരാണ് കേരളത്തിലുള്ളത്. അക്രമണസ്വഭാവം, ബോംബിങ്ങ്, പിക്കറ്റിങ്ങ്, ഖരാവോ ഇതൊക്കെയാണ് ഇപ്പോഴും രാഷ്ട്രീയം എന്ന് ചിന്തിക്കുന്ന ആളുകളുടെ മനോഭാവം മാറണം. നാമൊരു പ്രൊഫഷണൽ യുഗത്തിലാണ് ജീവിക്കുന്നത്. ഡിജിറ്റൽ യു​ഗം. ഇക്കാലത്തെ രാഷ്ട്രീയം ഭാരതത്തിന് വിഭാവന ചെയ്തത് പ്രധാനമന്ത്രി നരേന്ദ്രമോദിയാണ്. രാഷ്ട്രീയ സമീപനം മാറ്റണം, സംഘടനാ പ്രവർത്തനത്തിന് കൂടുതൽ പ്രാധാന്യം നല്കണമെന്ന് അദ്ദേഹം പ്രവർത്തകരോട് പറയുന്നു. അക്ഷരാർത്ഥത്തിൽ അത് കേരളത്തിൽ നടപ്പാക്കുന്ന ആളാണ് സുരേഷ്​ ഗോപി. ചാരിറ്റിയിലൂടെ ജനങ്ങൾക്കിടയിലേക്ക് ഇറങ്ങി ചെല്ലുന്നതിൽ അദ്ദേഹം വിജയിച്ചെന്നും അബ്ദുള്ളക്കുട്ടി പറഞ്ഞു.

        മുന്നിൽ നിന്ന് ചിരിച്ചു കാണിച്ചിട്ട് പിന്നിൽ നിന്ന് കാര്യങ്ങൾ നടത്താത്ത രാഷ്ട്രീയ പ്രവർത്തനത്തെ ജനം മടുത്തു. ഇന്നത്തെ കേന്ദ്ര മന്ത്രിസഭയിൽ ഉള്ള നേതാക്കളൊന്നും തന്നെ സമരങ്ങൾ നടത്തിയോ, പിക്കറ്റിങ്ങ് നടത്തിയോ നേതാക്കൾ ആയവരല്ല. ഉദാഹരണത്തിന് എസ്. ജയശങ്കർ, അശ്വനി വൈഷ്ണവ്, നിർമ്മലാ സീതാരാമൻ ഇവരൊക്കെ വിദ്യാഭ്യാസപരമായും അല്ലാതെയും നടത്തിയ പ്രവർത്തനങ്ങളുടെ ഫലമായി അധികാരമേറിയവരാണ്. അതാണ് പരമ്പരാ​ഗത രാഷ്ട്രീയ ചിന്താഗതിക്ക് മാറ്റം വരണമെന്ന് പറയുന്നത്. സുരേഷ്​ഗോപിയെ വിമർശിക്കുന്നവർ മനസിലാക്കാത്തതും ഈ രാഷ്ട്രീയമാണെന്നും അദ്ദേഹം കൂട്ടിച്ചേർത്തു.