മുമ്പേ പോയ കാറിൽ ബൈക്കിടിച്ച് രണ്ട് യുവാക്കൾ മരിച്ചു.

മുമ്പേ പോയ കാറിൽ ബൈക്കിടിച്ച് രണ്ട് യുവാക്കൾ മരിച്ചു.

കോട്ടയം: മുണ്ടക്കയം -  വണ്ടൻപതാൽ റോഡിൽ ഉണ്ടായ വാഹന അപകടത്തിൽ രണ്ട് യുവാക്കൾ മരിച്ചു. കോരുത്തോട് പാതയിൽ മൂന്നു സെന്റിന് സമീപമാണ് അപകടം. മുണ്ടക്കയം പാറയിയമ്പലം കല്ലുതൊട്ടിയിൽ അരുൺ, ചെറുതോട്ടയിൽ അഖിൽ എന്നിവരാണ് മരിച്ചത്. മുണ്ടക്കയം ഭാഗത്തു നിന്ന് ഒരേ ദിശയിൽ സഞ്ചരിച്ച കാറും ബൈക്കുമായാണ് കൂട്ടിയിടിച്ചത്. കാറിന്റെ സൈഡിൽ ഇടിച്ച ബൈക്ക് നിയന്ത്രണം വിട്ടു പാതയുടെ വശത്തേക്ക് വീഴുകയായിരുന്നു. യുവാക്കളെ ആശുപത്രിയിൽ എത്തിക്കും മുമ്പ് തന്നെ മരിച്ചിരുന്നു. കാറിൽ ഉണ്ടായിരുന്നവരും ഈ മരിച്ച യുവാക്കളുടെ സുഹൃത്തുക്കൾ ആയിരുന്നു. ഇവർ കോരുത്തോട്ടിലേക്ക് പോകുംവഴിയാണ് അപകടമുണ്ടായത്.