ട്രെയിനിനും പ്ലാറ്റ്ഫോമിനുമിടയിൽ വീണ് യുവാവ് മരിച്ചു.
ആലുവ: ട്രെയിനിനും പ്ലാറ്റ്ഫോമിനുമിടയിൽ വീണ് യുവാവ് മരിച്ചു. പത്തനംതിട്ട പുന്നവേലി നൂറമ്മാവ് സണ്ണിയുടെ മകൻ റോജിയാണ് അപകടത്തിൽപ്പെട്ടത് ഇന്നലെ രാത്രി 7.45നാണ് സംഭവം.
തിരുവല്ലയിൽ നിന്നും ട്രെയിനിൽ കയറിയ ഇയാൾ ആലുവയിൽ മൂന്നാം നമ്പർ പ്ലാറ്റ്ഫോമിൽ ഇറങ്ങാൻ ശ്രമിക്കുമ്പോഴാണ് അപകടത്തിൽപ്പെട്ടത്. പ്ലാറ്റ്ഫോമിനും ട്രെയിനും ഇടയിലേക്ക് വീണ് കാൽ ട്രെയിനിന്റെ വീലുകൾക്കിടയിൽ പെട്ടു. ഇതോടെ ട്രെയിൻ ഒരു മീറ്ററോളം പിന്നോട്ട് എടുത്ത ശേഷമാണ് രക്ഷപ്പെടുത്തിയത്. കാൽ പൂർണ്ണമായി അറ്റ നിലയിലായിരുന്നു. രക്ഷപ്പെടുത്തുമ്പോഴേക്കും ചോര വാർന്ന് ഗുരുതരാവസ്ഥയിലായിരുന്നു
ആലുവ ജില്ലാ ആശുപത്രിയിലും പിന്നീട്
കോട്ടയം മെഡിക്കൽ കോളേജിലും എത്തിച്ചെങ്കിലും ജീവൻ രക്ഷിക്കാനായില്ല.
0 Comments