ആലപ്പുഴ: ഹരിപ്പാട് ശ്രീ സുബ്രഹ്മണ്യ സ്വാമി ക്ഷേത്രത്തിലെ പെരുംകുളത്തിൽ ലോട്ടറി വിൽപ്പനക്കാരിയായ സ്ത്രീയെ മരിച്ച നിലയിൽ കണ്ടെത്തി. ഇന്ന് വൈകുന്നേരം 4 മണിയോടെ വടക്കേ കുളിക്കടവിലാണ് മൃതദേഹം കണ്ടെത്തിയത്. മാവേലിക്കര തഴക്കര നിലയ്ക്കൽ തെക്കത്തിൽ സഹദേവന്റെ ഭാര്യ അമ്മിണി (66) ആണ് മരിച്ചത്.
ഇവർ ക്ഷേത്രത്തിന്റെ പരിസരത്ത് ലോട്ടറി വില്പന നടത്തിയിരുന്നതായി നാട്ടുകാർ പറയുന്നു. മരണത്തെ തുടർന്ന് ക്ഷേത്രത്തിൽ വൈകുന്നേരം നടക്കേണ്ടിയിരുന്ന രണ്ടാംഘട്ട തൈപ്പൂയ കാവടിയാട്ടം കുളത്തിലെ ശുദ്ധികലശ പൂജകൾക്കു ശേഷമാണ് ആരംഭിച്ചത്.
കഴിഞ്ഞ വ്യാഴാഴ്ച കാവടി സ്വാമിയായ പ്ലസ് വൺ വിദ്യാർത്ഥിയും ക്ഷേത്രക്കുളത്തിൽ വീണ് മരിച്ചിരുന്നു.
0 Comments