സുഹൃത്തുക്കൾക്കൊപ്പം കുളിക്കാനിറങ്ങിയ പ്ലസ് വൺ വിദ്യാർത്ഥി മുങ്ങി മരിച്ചു.
ചങ്ങനാശ്ശേരി: സുഹൃത്തുക്കൾക്കൊപ്പം കുളത്തിൽ കുളിക്കാനിറങ്ങിയ പ്ലസ് വൺ വിദ്യാർത്ഥി മുങ്ങി മരിച്ചു. ചെത്തിപ്പുഴ ആറ്റുവക്കേരി കളിയിക്കൽ ചിറയിൽ കെ.എസ്. രാജേഷിൻ്റെ മകൻ കെ.ആർ. ആദിത്യനാണ് (കണ്ണൻ -17) ആണ് മരിച്ചത്. ഇന്ന് ഉച്ചകഴിഞ്ഞു രണ്ടുമണിയോടെ ആയിരുന്നു സംഭവം.
ചങ്ങനാശ്ശേരി നഗരസഭ ടൗൺഹാളിനു സമീപമുള്ള പൂവക്കാട്ടുചിറ കുളത്തിൽ സുഹൃത്തുക്കൾക്കൊപ്പം കുളിക്കുന്നതിനിടെയാണ് അപകടം. അഗ്നിരക്ഷാസേന സ്‌കൂബ ടീം എത്തിയാണ് മൃതദേഹം പുറത്തെടുത്തത്. കുളത്തിൽ അടിത്തട്ടിലെ ചെളിയിൽ കൈയും കാലും പുതഞ്ഞ നിലയിലായിരുന്നു മൃതദേഹം.
ചങ്ങനാശേരി ഗവ.ഹയർ
സെക്കൻഡറി സ്‌കൂളിലെ പ്ലസ്‌വൺ വിദ്യാർത്ഥിയായിരുന്നു. പ്ലസ്‌ടു പ്രവേശനത്തിനായി കാത്തിരിക്കവെയാണ് അപകടം. സംസ്‌കാരം പിന്നീട്.
0 Comments