വധശിക്ഷയ്ക്ക് വിധിക്കപ്പെട്ട് ജയിലില് കഴിയുന്ന മകള് നിമിഷപ്രിയയെ കാണാൻ അമ്മയ്ക്ക് അനുമതി.
യമൻ: വധശിക്ഷയ്ക്ക് വിധിക്കപ്പെട്ട് ജയിലില് കഴിയുന്ന മകള് നിമിഷപ്രിയയെ കാണാൻ അമ്മ പ്രേമകുമാരിയ്ക്ക് അനുമതി. ബുധനാഴ്ച ഉച്ചയ്ക്ക് ശേഷം സനയിലെ ജയിലില് എത്താനാണ് ജയില് അധികൃതർ നിർദ്ദേശിച്ചിരിക്കുന്നത്. നീണ്ട 11 വർഷങ്ങള്ക്ക് ശേഷമാണ് അമ്മയും മകളും തമ്മില് കാണുന്നത്.
ശനിയാഴ്ചയാണ് പ്രേമകുമാരിയും ആക്ഷൻ കൗണ്സില് ഭാരവാഹിയും യെമെനിലെ ബിസിനസുകാരനുമായ സാമുവേല് ജെറോമും കൊച്ചിയില് നിന്ന് യെമെൻ തലസ്ഥാനമായ എയ്ഡനിലേക്ക് വിമാനം കയറിയത്. ഹൂതികള്ക്ക് മുൻതൂക്കമുള്ള മേഖലയായ സനയിലാണ് നിമിഷപ്രിയ ജയിലില് കഴിയുന്നത്. അവിടേയ്ക്കുള്ള അനുമതി കിട്ടിയ ശേഷമാണ് പുറപ്പെട്ടത്. എയ്ഡനില് നിന്ന് റോഡുമാർഗ്ഗം 12 മണിക്കൂർ യാത്ര ചെയ്ത് ചൊവ്വാഴ്ച രാവിലെ 9 മണിയോടെ ഇരുവരും സനയിലെത്തി. കൊല്ലപ്പെട്ട യെമെൻ പൗരന്റെ കുടുംബത്തെ കണ്ട് ദയാധനം സംബന്ധിച്ചുള്ള ചർച്ചയും നടത്തും. മൂന്നു മാസത്തെ യെമെൻ വിസയാണ് പ്രേമകുമാരിക്ക് ലഭിച്ചിട്ടുള്ളത്.
0 Comments