വിവാഹവേദിയില്‍ മദ്യപിച്ചെത്തിയ വരനെതിരെ വധുവിന്റെ പരാതിയില്‍ കേസെടുത്ത് പോലീസ്.
പത്തനംതിട്ട: വിവാഹവേദിയില്‍ മദ്യപിച്ചെത്തിയ വരനെതിരെ വധുവിന്റെ പരാതിയില്‍ കേസെടുത്ത് പോലീസ്. കോഴഞ്ചേരിയിലാണ് സംഭവം.
മദ്യലഹരിയിലായിരുന്ന വരൻ വിവാഹസ്ഥലത്തെത്തി വധുവിനോടും ബന്ധുക്കളോടും തർക്കിക്കുകയായിരുന്നു. രംഗം വഷളായതോടെ വധുവിൻ്റെ വീട്ടുകാർ വിവാഹത്തിൽ നിന്നും പിൻമാറുകയും പരാതി നൽകുകയുമായിരുന്നു. മദ്യപിച്ചെത്തിയ വരൻ അപമര്യാദയായി പെരുമാറിയെന്നായിരുന്നു വധുവിന്റെ ബന്ധുക്കളുടെ പരാതി.
വിവാഹം മുടങ്ങിയതിനെ തുടർന്ന് നഷ്ടപരിഹാരം നല്‍കി പ്രശ്നം ഒത്തുതീർപ്പാക്കാൻ ഇരുകൂട്ടരും ധാരണയിലെത്തി. നഷ്ടപരിഹാരം വേണമെന്ന വധുവിന്റെ കുടുംബത്തിന്റെ ആവശ്യം വരനും ബന്ധുക്കളും അംഗീകരിച്ചു. പൊതുസ്ഥലത്ത് മദ്യപിച്ചു ബഹളമുണ്ടാക്കിയതിന് വരനെതിരെ പോലീസ് മറ്റൊരു കേസും രജിസ്റ്റർ ചെയ്തിട്ടുണ്ട്.
0 Comments