പാലത്തിന്റെ കൈവരിയിലേക്ക് ലോറി ഇടിച്ചു കയറി.
മലപ്പുറം: കനത്ത മഴയിൽ തിരൂർ താഴെപ്പാലം കൈവരിക്കു മുകളിൽ ലോറി ഇടിച്ചുകയറി. താനൂർ ഭാഗത്തു നിന്ന് വരികയായിരുന്ന ലോറിയാണ് പുതിയ പാലത്തിലൂടെ പോകുന്നതിന് പകരം ദിശമാറി താഴെപ്പാലം പഴയ പാലത്തിനു മുകളിലുള്ള കൈവരിയിലേക്ക് ഇടിച്ചു കയറിയത്. പുഴയിലേക്ക് വീഴാതെ നിന്നതിന്നാൽ വലിയ ദുരന്തം ഒഴിവായി.
കനത്ത മഴയിൽ റോഡ് വ്യക്തമായി കാണാതെ ദിശ മാറിയാണ് ലോറി കൈവരിയിലേക്ക് ഇടിച്ചു കയറിയത്. താഴെ പുഴയിലേക്ക് വീഴാതെ കൈവരിയിൽ ഇടിച്ചു നിന്ന ലോറിയിൽ ലോഡ് ഇല്ലാത്തിനാലും കൂടിയാണ് വലിയ ദുരന്തം ഒഴിവായത്. ഇവിടെ പുതിയ പാലം വന്നതിനു ശേഷം റോഡിൽ വ്യക്തമായ സൂചനാ ബോർഡോ ഡിവൈഡറോ ഇല്ലാത്തത് അപകടത്തിന് കാരണമായതായി ചൂണ്ടിക്കാണിക്കപ്പെടുന്നു. ലോറിയിൽ ഡ്രൈവർ മാത്രമാണ് ഉണ്ടായിരുന്നത്. ഡ്രൈവർ പരിക്ക് ഒന്നുമില്ലാതെ രക്ഷപ്പെട്ടു. ഇന്നലെ രാത്രി പത്തരയോടെയായിരുന്നു സംഭവം.
0 Comments