വെട്ടേറ്റ കൊലക്കേസ് പ്രതി മരിച്ചു.

വെട്ടേറ്റ കൊലക്കേസ് പ്രതി മരിച്ചു.

തിരു.: പൗഡിക്കോണത്ത് വെട്ടേറ്റ കൊലക്കേസ് പ്രതി മരിച്ചു. രക്തം വാർന്ന് ഗുരുതരാവസ്ഥയിലായ കുറ്റ്യാണി സ്വദേശി ജോയി മെഡിക്കൽ കോളേജ് ആശുപത്രിൽ ചികിത്സയിലിരിക്കെ പുലർച്ചെ രണ്ട് മണിയോടെയാണ് മരിച്ചത്. 

          കാപ്പ കേസിൽ ജയിൽവാസം കഴിഞ്ഞ് രണ്ട് ദിവസം മുമ്പാണ് ജോയ് പുറത്തിറങ്ങിയത്. ഓട്ടോറിക്ഷയിൽ എത്തിയ ജോയിയെ കാറിൽ എത്തിയ  സംഘം സൊസൈറ്റി ജംഗ്ഷനിൽ വച്ച് വെട്ടുകയായിരുന്നു. രണ്ട് കാലുകൾക്കും ഗുരുതരമായി പരിക്കേറ്റ് അര മണിക്കൂറിലധികം റോഡിൽ രക്തത്തിൽ കുളിച്ച് കിടന്ന ജോയിയെ ഒടുവിൽ പൊലീസ് എത്തി ജീപ്പിലാണ് തിരുവനന്തപുരം മെഡിക്കൽ കോളേജ് ആശുപത്രിയിൽ എത്തിച്ചത്. 

        സംഭവത്തില്‍ പ്രതികളെ ആരെയും പിടികൂടിയിട്ടില്ല. നീല നിറത്തിലുള്ള കാറിലെത്തിയ മൂന്നംഗ അക്രമികളെ തിരിച്ചറിഞ്ഞതായും സംഘത്തിനായി പൊലീസ് തെരച്ചിൽ തുടരുകയാണെന്നും പൊലീസ് അറിയിച്ചു.