ഓടിത്തുടങ്ങിയ ട്രെയിനില്‍ ചാടിക്കയറുന്നതിനിടെ ട്രാക്കിലേയ്ക്ക് വീണ് പെണ്‍കുട്ടിക്ക് പരിക്കേറ്റു.
കണ്ണൂർ: ഓടിത്തുടങ്ങിയ ട്രെയിനില്‍ ചാടിക്കയറുന്നതിനിടെ ട്രാക്കിലേയ്ക്ക് വീണ് പെണ്‍കുട്ടിക്ക് പരിക്കേറ്റു. കിളിയന്തറ സ്വദേശിയായ നഴ്സിംഗ് വിദ്യാർത്ഥിനിക്കാണ് പരിക്കേറ്റത്. ട്രെയിൻ പെട്ടെന്ന് നിർത്തിയതിനാല്‍ വൻ അപകടം ഒഴിവായി.
രാവിലെ എട്ട് മണിക്ക് പുതുച്ചേരി എക്സ്പ്രസിലാണ് പെണ്‍കുട്ടി ഓടിക്കയറാൻ ശ്രമിച്ചത്. കണ്ണൂരിൽ എത്തിയപ്പോള്‍ സാധനം വാങ്ങാൻ പുറത്തിറങ്ങിയതായിരുന്നു. തുടർന്ന് നീങ്ങിത്തുടങ്ങിയ ട്രെയിനിലേയ്ക്ക് തിരികെ കയറാൻ ശ്രമിച്ചപ്പോള്‍ പിടിവിട്ട് ട്രാക്കിലേക്ക് വീഴുകയായിരുന്നു. ട്രെയിൻ പെട്ടെന്ന് നിർത്തിയതിനാൽ ഗുരുതരമായി പരിക്കേറ്റില്ല. നിസ്സാര പരിക്കേറ്റ പെണ്‍കുട്ടിയെ യാത്രക്കാരും റെയില്‍വേ പൊലീസും ചേർന്ന് ആശുപത്രിയിലാക്കി.
0 Comments