വിവാഹവാഗ്ദാനം നൽകി പതിനഞ്ചുകാരിയെ ഗർഭിണിയാക്കിയ 19കാരൻ പിടിയിൽ.

വിവാഹവാഗ്ദാനം നൽകി പതിനഞ്ചുകാരിയെ ഗർഭിണിയാക്കിയ 19കാരൻ പിടിയിൽ.

പത്തനംതിട്ട : വിവാഹ വാഗ്ദാനം നൽകി പതിനഞ്ചുകാരിയെ വശീകരിച്ച ശേഷം വീട്ടിൽ അതിക്രമിച്ചു കയറി ബലാത്സംഗം ചെയ്ത് ഗർഭിണി ആക്കിയ കേസിൽ യുവാവിനെ വെച്ചൂച്ചിറ പോലീസ് അറസ്റ്റ് ചെയ്തു. കൊല്ലമുള ചാത്തൻതറ കുറുമ്പൻമൂഴി പുല്ലുപാറക്കൽ വീട്ടിൽ ജിത്തു പ്രകാശ് (19) ആണ് പിടിയിലായത്.

       2024 സെപ്റ്റംബർ 22ന് പകൽ 10 മണിയോടെയാണ് കുട്ടിയുടെ വീട്ടിലെ കിടപ്പുമുറിയിൽ വച്ച് ആദ്യം ഇയാൾ പീഡിപ്പിച്ചത്. പിന്നീട് ഒക്ടോബറിലെ ഒരു ദിവസവും ബലാൽസംഗത്തിന് വിധേയയാക്കി. തുടർന്ന് പെൺകുട്ടി ഗർഭിണിയായി. ഇതു സംബന്ധിച്ച് കഴിഞ്ഞ ദിവസമാണ് വെച്ചൂച്ചിറ പോലീസിന് വിവരം ലഭിച്ചത്. തുടർന്ന്  കുട്ടിയുടെ മൊഴിയെടുക്കാൻ ശ്രമിച്ചെങ്കിലും, ആദ്യം വിസമ്മതിച്ച പെൺകുട്ടിയെ കൗൺസിലിങ്ങിന് വിധേയയാക്കിയതിനെ തുടർന്നാണ് മൊഴി രേഖപ്പെടുത്തിയത്.

         ജില്ലാ പോലീസ് മേധാവി വി.ജി. വിനോദ് കുമാറിന്റെ നിർദ്ദേശപ്രകാരം പ്രതിയ്ക്കായി അന്വേഷണം ഊർജ്ജിതമാക്കിയിരുന്നു. ചൊവ്വാഴ്ച രാത്രി ഇയാളെ കുറുമ്പൻമൂഴിയിൽ നിന്ന് കസ്റ്റഡിയിലെടുത്തു. സ്റ്റേഷനിലെത്തിച്ച് വിശദമായി ചോദ്യം ചെയ്തപ്പോൾ, യുവാവ് കുറ്റം സമ്മതിച്ചു. തുടർന്ന് ഇന്ന് അറസ്റ്റ് രേഖപ്പെടുത്തി. കുട്ടിയുടെ വൈദ്യപരിശോധന ഉൾപ്പെടെയുള്ള പ്രാഥമിക നടപടികൾ നടത്തിയ പോലീസ്, കോടതിയിൽ മൊഴി രേഖപ്പെടുത്തുന്നതിനുള്ള നടപടിയും സ്വീകരിച്ചു. പ്രതിയേയും വൈദ്യപരിശോധനയ്ക്ക് വിധേയനാക്കി. മറ്റ് നിയമ നടപടികൾക്ക് ശേഷം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

      വെച്ചൂച്ചിറ പോലീസ് ഇൻസ്പെക്ടർ എം.ആർ. സുരേഷിന്റെ നേതൃത്വത്തിലാണ് അന്വേഷണം നടക്കുന്നത്. എസ്ഐ  വി.പി. സുഭാഷ്, എഎസ്ഐ അൻസാരി, സീനിയർ സിപിഓമാരായ പി.കെ. ലാൽ, നെൽസൺ, വനിതാ സിപിഓ അഞ്ജന എന്നിവരാണ് സംഘത്തിൽ ഉണ്ടായിരുന്നത്.