ചെറുകോൽപ്പുഴ ഹിന്ദുമത പരിഷത്തിൽ ആർഎസ്എസ് സർസംഘചാലക് ഡോ. മോഹൻ ഭാഗവത് ഇന്ന് പങ്കെടുക്കും.

ചെറുകോൽപ്പുഴ ഹിന്ദുമത പരിഷത്തിൽ ആർഎസ്എസ് സർസംഘചാലക് ഡോ. മോഹൻ ഭാഗവത് ഇന്ന് പങ്കെടുക്കും.

പത്തനംതിട്ട: ചെറുകോൽപ്പുഴ ഹിന്ദുമത പരിഷത്തിൽ ഇന്ന് ആർഎസ്എസ് സർസംഘചാലക് ഡോ. മോഹൻ ഭാഗവത് ഇന്ന് പങ്കെടുക്കും. 3.30ന് ചേരുന്ന ഹിന്ദു ഏകതാ സമ്മേളനം ഉദ്ഘാടനം ചെയ്യാനാണ് അദ്ദേഹം എത്തുന്നത്. ഹിന്ദുമത മഹാമണ്ഡലം പ്രസിഡൻ്റ് പി.എസ്. നായർ ചടങ്ങിൽ അദ്ധ്യക്ഷത വഹിക്കും. 

         ചെറുകോൽപ്പുഴയിൽ ഇന്ന് രാവിലെ 10ന് കുടുംബ ജ്ഞാന സംഗമം, 1.15ന് സംഗീത സദസ്, 6ന് ഭജന, 7.30ന് ശ്രീനാരായണ ധർമ്മം എന്ന വിഷയത്തിൽ ശിവഗിരിമഠം മഠാധിപതി സ്വാമി സച്ചിദാനന്ദയുടെ പ്രഭാഷണം എന്നിവ നടക്കും. 

       ഡോ. മോഹൻ ഭഗവതിൻ്റെ സന്ദർശനം പ്രമാണിച്ച് കോഴഞ്ചേരി ആറന്മുള അയിരൂർ പഞ്ചായത്ത് പ്രദേശങ്ങളിലെ റോഡുകളിൽ ഉച്ചയ്ക്ക് 12 മുതൽ പൊലീസ് ഗതാഗത നിയന്ത്രണം ഏർപ്പെടുത്തി. കോഴഞ്ചേരി, അയിരൂർ, ചെറുകോൽ പഞ്ചായത്ത് പരിധിയിലെ വിദ്യാഭ്യാസ സ്ഥാപനങ്ങൾക്ക് ജില്ലാ കലക്ടർ ഉച്ചയ്ക്ക് ശേഷം അവധിയും പ്രഖ്യാപിച്ചിട്ടുണ്ട്.