വിരണ്ടോടിയ കാളയുടെ കുത്തേറ്റ് വീട്ടമ്മയ്ക്ക് പരിക്ക്.

വിരണ്ടോടിയ കാളയുടെ കുത്തേറ്റ് വീട്ടമ്മയ്ക്ക് പരിക്ക്.

പ്രതീകാത്മക ചിത്രം

തിരു.: ആറ്റിങ്ങലിൽ കാളയുടെ കുത്തേറ്റ് വീട്ടമ്മയ്ക്ക് പരിക്ക്. തോട്ടവാരം സ്വദേശി ബിന്ദു കുമാരിയ്ക്ക് (54) ആണ് കാളയുടെ കുത്തേറ്റ് ഗുരുതരമായി പരിക്കേറ്റത്. ആറ്റിങ്ങൽ മാർക്കറ്റിലെ അറവുശാലയിൽ കൊണ്ടുവന്നതായിരുന്നു കാളയെ. എന്നാൽ, കാളയെ ഇറക്കിപ്പോൾ അവിടെ നിന്നും റോഡിലൂടെ വിരണ്ടോടുകയായിരുന്നു. കാള വഴിയാത്രക്കാരിയായ ബിന്ദുകുമാരിയെ ഇടിച്ചു തെറിപ്പിക്കുകയായിരുന്നു. ബിന്ദു കുമാരിയെ തിരുവനന്തപുരത്തെ ആശുപത്രിയിലേക്ക് മാറ്റി. ഓടിയ കാള, പിന്നീട് കൊല്ലമ്പുഴ തിരുമാറാട്ടുകാവ് ക്ഷേത്രമൈതാനത്തെത്തി. അവിടെ നിന്നും കാളയെ പിടികൂടി തിരികെ മാർക്കറ്റിൽ എത്തിച്ചു.