ഒയിസ്ക വൃക്ഷമുത്തശ്ശി സംരക്ഷക അവാർഡ് കെ.ജെ. ജേക്കബ് കൊച്ചേട്ടിന്.

ഒയിസ്ക വൃക്ഷമുത്തശ്ശി സംരക്ഷക അവാർഡ് കെ.ജെ. ജേക്കബ് കൊച്ചേട്ടിന്.                                             

കോട്ടയം: ജപ്പാൻ കേന്ദ്രമാക്കി പ്രവർത്തിക്കുന്ന പരിസ്ഥിതി സംഘടനയായ ഒയിസ്ക ഇൻ്റർനാഷണൽ കോട്ടയം ചാപ്റ്ററിൻ്റെ  വൃക്ഷമുത്തശ്ശി സംരക്ഷക അവാർഡ് താഴത്തങ്ങാടി സ്വദേശികളായ കെ.ജെ. ജേക്കബ് - എൽസി ദമ്പതികൾക്ക് ലഭിക്കും. ലോക വനദിനമായ മാർച്ച് 21ന് രാവിലെ 9.30ന്              വൃക്ഷമുത്തശ്ശിത്തണലിൽ വെച്ച് അവാർഡ് സമ്മാനിക്കും.          

       കോട്ടയം മുനിസിപ്പാലിറ്റി അതിർത്തിയിലുള്ള ഭവനങ്ങളിൽ നിന്ന് ലഭിച്ച എൻട്രികളിൽ നിന്ന് 300ലേറെ വർഷം പഴക്കമുള്ള ഇലഞ്ഞിമരത്തെ ആണ് വൃക്ഷമുത്തശ്ശിയായി            തെരഞ്ഞെടുത്തത്. കോട്ടയം സിഎംഎസ് കോളേജ് മുൻ പ്രൊഫസർ ഡോ. ജേക്കബ് ജോർജ്ജ്, അഗ്രിക്കൾച്ചർ ഡിപാർട്ട്മെൻ്റ് മുൻ ഡപ്യൂട്ടി ഡയറക്ടർ മാഗി മെറീന, ആലപ്പുഴ മുൻ ഡപ്യൂട്ടി കളക്ടർ ജയിംസ് ജോസഫ് അധികാരത്തിൽ എന്നിവരടങ്ങുന്ന വിദഗ്ധ ടീമാണ് വൃക്ഷമുത്തശ്ശിയെ തെരഞ്ഞെടുത്തത്.