വീട്ടമ്മയെ തലയ്ക്കടിച്ചു കൊലപ്പെടുത്തിയ കേസിൽ പ്രതികളായ സഹോദരങ്ങൾ കീഴടങ്ങി.
അരൂക്കുറ്റി പഞ്ചായത്ത് ഒന്നാംവാർഡ് പുളിന്താഴത്ത് ശരവണന്റെ ഭാര്യ വനജയെ (52) ആണ് കൊലപ്പെടുത്തിയത്. ഇന്നലെ രാത്രി പത്തിനായിരുന്നു കൊലപാതകം. അയൽവാസികളായ സഹോദരന്മാർ വീട് കയറി അക്രമിക്കുകയായിരുന്നു എന്നാണ് പൊലീസ് പറയുന്നത്. തർക്കങ്ങൾക്കിടെ വനജയെ ചുറ്റിക കൊണ്ട് തലക്കടിക്കുകയായിരുന്നു. പ്രതികളുടെ അമ്മയെ വനജയുടെ മകൻ ശരത് കളിയാക്കി എന്നാരോപിച്ചായിരുന്നു തർക്കത്തിന്റെ തുടക്കം. ഇത് ചോദ്യം ചെയ്യാൻ വനജയുടെ വീട്ടിലെത്തിയ ജയേഷും വിജീഷും വനജയുടെ മകനും ഭർത്താവ് ശരവണനുമായി സംഘർഷത്തിലായി. ഇത് തടയാൻ എത്തിയപ്പോഴാണ് വനജയുടെ തലയ്ക്ക് ചുറ്റികക്ക് അടിയേറ്റത്. തലയുടെ പിൻഭാഗത്ത് അടിയേറ്റ വനജയെ സമീപവാസികൾ ചേർന്ന് ആശുപത്രിയിൽ എത്തിച്ചെങ്കിലും ഇന്ന് പുലർച്ചയോടെ മരിച്ചു.
സംഭവത്തിന് പിന്നാലെ ഒളിവിൽ പോയ ജയേഷ് രാവിലെയും വിജീഷ് വൈകിട്ടും പൂച്ചാക്കൽ സ്റ്റേഷനിൽ കീഴടങ്ങുകയായിരുന്നു.
0 Comments