അദ്ധ്യാപകരിൽ നിന്ന് കൈക്കൂലി വാങ്ങിയതിന് വിരമിച്ച അദ്ധ്യാപകൻ പിടിയിൽ.
കോഴിക്കോട്: അദ്ധ്യാപകരിൽ നിന്ന് കൈക്കൂലി വാങ്ങിയതിന് വിരമിച്ച അദ്ധ്യാപകൻ പിടിയിലായി. വടകര സ്വദേശി വിജയനാണ് പിടിയിലായത്. റീ അപ്പോയിന്റ്മെന്റ് ഓർഡർ നൽകുന്നതിനാണ് ഇയാൾ ഒന്നരലക്ഷം രൂപ കൈക്കൂലി വാങ്ങിയത്. കൈക്കൂലി വാങ്ങുന്നതിനിടെ എറണാകുളത്തു നിന്നുമാണ് ഇയാൾ പിടിയിലായത്.
കോട്ടയം പാലായിലെ സ്വകാര്യ സ്‌കൂളിലെ അദ്ധ്യാപകരിൽ നിന്നാണ് വിജയൻ കൈക്കൂലി വാങ്ങിയത്. സെക്രട്ടറിയേറ്റിലെ ജനറൽ എഡ്യൂക്കേഷൻ വിഭാഗത്തിലെ ജീവനക്കാരൻ സുരേഷ് ബാബുവിന് വേണ്ടിയാണ് ഇയാൾ കൈക്കൂലി വാങ്ങിയതെന്നാണ് വിവരം. കോട്ടയം വിജിലൻസ് ഡിവൈഎസ്‌പിയുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. ഹൈക്കോടതി ഉത്തരവ് പ്രകാരമുളള റീ അപ്പോയിൻ്റ്മെന്റ് ഓർഡർ നൽകുന്നതിനാണ് ഒന്നര ലക്ഷം രൂപ കൈക്കൂലി വാങ്ങിയതെന്നാണ് വിവരം.
0 Comments