Hot Posts

6/recent/ticker-posts

Ad Code

Responsive Advertisement

ശബരിമലയിൽ നവഗ്രഹ പ്രതിഷ്ഠ ഞായറാഴ്ച; പൂജകൾക്കായി ഇന്ന് നട തുറക്കും.

ശബരിമലയിൽ നവഗ്രഹ പ്രതിഷ്ഠ ഞായറാഴ്ച; പൂജകൾക്കായി ഇന്ന് നട തുറക്കും.
ശബരിമല: ശബരിമല ശ്രീ ധർമ്മശാസ്താ ക്ഷേത്രത്തോട് അനുബന്ധിച്ചുള്ള പുതിയ നവഗ്രഹ ശ്രീകോവിലിലെ പ്രതിഷ്ഠാ കർമ്മം ജൂലൈ 13 (കൊല്ലവർഷം 1200 മിഥുനം 29, ഞായർ) നടക്കും. പകൽ 11നും 12നും  മധ്യേയുള്ള കന്നി രാശി മുഹൂർത്തത്തിലാണ് പ്രതിഷ്ഠാ കർമ്മം നടക്കുക. പ്രതിഷ്ഠാ ചടങ്ങുകൾക്കായി ഇന്ന് നട തുറക്കും. വൈകുന്നേരം 5മണിക്ക് തന്ത്രി കണ്ഠരര് രാജീവരുടെ  സാന്നിധ്യത്തിൽ മേൽശാന്തി അരുൺകുമാർ നമ്പൂതിരി നട തുറന്ന്  ദീപം തെളിയിക്കും. നട തുറന്ന ശേഷം  തന്ത്രി കണ്ഠരര് രാജീവരുടെ  മുഖ്യകാർമ്മികത്വത്തിൽ ശുദ്ധിക്രിയകൾ ആരംഭിക്കും. ജൂലൈ 12ന് പ്രതിഷ്ഠയോടനുബന്ധിച്ചുള്ള പ്രത്യേക പൂജകൾ നടക്കും. പ്രതിഷ്ഠാ ദിനമായ ജൂലൈ 13ന് രാവിലെ ഗണപതിഹോമം, ശൈയ്യയിൽ ഉഷപൂജ, മരപ്പാണി തുടങ്ങിയ ചടങ്ങുകൾക്ക് ശേഷമാണ് പ്രതിഷ്ഠാ കർമ്മം നടക്കുക. മാളികപ്പുറം ക്ഷേത്രത്തിന് സമീപമാണ് പുതിയ നവഗ്രഹ ശ്രീകോവിൽ  നിർമ്മിക്കുന്നത്. നിലവിലുള്ള നവഗ്രഹ  ശ്രീകോവിൽ കൂടുതൽ അഭികാമ്യമായ സ്ഥലത്തേക്ക് മാറ്റി പ്രതിഷ്ഠിക്കണമെന്ന ദേവപ്രശ്നവിധി അനുസരിച്ചാണ് പുതിയ നവഗ്രഹ  ശ്രീകോവിൽ നിർമ്മിച്ചത്.  പ്രതിഷ്ഠയോടനുബന്ധിച്ചുള്ള പൂജകൾ പൂർത്തിയാക്കി ജൂലൈ 13ന് രാത്രി 10മണിയ്ക്ക് നട അടയ്ക്കും.

Post a Comment

0 Comments

Ad Code

Responsive Advertisement