കോട്ടയം: മരങ്ങാട്ടുപള്ളിയിൽ ഹോംനേഴ്സായി ജോലി ചെയ്യുന്ന വീട്ടിൽ നിന്നും സ്വര്‍ണ്ണവളകൾ മോഷ്ടിച്ച കേസിൽ യുവതിയെ പോലീസ് അറസ്റ്റ് ചെയ്തു. എരുമേലി വയലപറമ്പിൽ വീട്ടിൽ അശ്വതിയെ (36) ആണ് മരങ്ങാട്ടുപള്ളി പോലീസ് അറസ്റ്റ് ചെയ്തത്. ഇവർ ഹോംനേഴ്സായി ജോലി ചെയ്തു വന്നിരുന്ന കടപ്ലാമറ്റം ഭാഗത്തുള്ള വീട്ടിലെ വൃദ്ധയുടെ കയ്യിൽ കിടന്ന രണ്ടു വളകള്‍ മോഷ്ടിച്ച് എടുക്കുകയായിരുന്നു. മോഷണത്തിന് ശേഷം, ബന്ധു മരണപ്പെട്ടതായി അറിയിച്ച് ഇവര്‍ ഇവിടെ നിന്നും കടന്നു കളയുകയായിരുന്നു. പരാതിയെ തുടർന്ന് മരങ്ങാട്ടുപള്ളി പോലീസ് കേസ് രജിസ്റ്റർ ചെയ്യുകയും ഇവരെ അറസ്റ്റ് ചെയ്യുകയുമായിരുന്നു. മോഷണത്തിനു ശേഷം ഇവർ സ്വർണ്ണം എരുമേലിയിലുള്ള കടയിൽ വിൽപ്പന നടത്തുകയും, ഇവിടെ നിന്നും സ്വർണ്ണം പോലീസ് കണ്ടെടുക്കുകയും ചെയ്തു. മരങ്ങാട്ടുപള്ളി സ്റ്റേഷൻ എസ്എച്ച്ഓ പ്രസാദ് എം.ആർ., എസ്ഐമാരായ റാസിക്ക് പി.എം., ഷൈജു രാഘവൻ സിപിഓമാരായ രാജേഷ് പി.കെ., പ്രിയാ ശങ്കർ, പ്രശാന്ത് കുമാർ എന്നിവർ ചേർന്നാണ് ഇവരെ അറസ്റ്റ് ചെയ്തത്. കോടതിയിൽ ഹാജരാക്കിയ ഇവരെ റിമാൻഡ് ചെയ്തു.
0 Comments