കാറിടിച്ച് ബസിനടിയിലേക്ക് തെറിച്ചുവീണ സ്കൂട്ടർ യാത്രിക മരിച്ചു.
മലപ്പുറം: വണ്ടൂരില് ബസിന്റെ പിന്ചക്രം കയറിയിറങ്ങി സ്കൂട്ടര് യാത്രക്കാരിയായ യുവതി മരിച്ചു. ഓട്ടോറിക്ഷയെ മറികടക്കാന് ശ്രമിക്കുകയായിരുന്ന കാര് സ്കൂട്ടറില് ഇടിച്ചതിനെ തുടര്ന്നാണ് അപകടം ഉണ്ടായത്. മലപ്പുറം നടുവത്തു സ്വദേശി ഹുദ (24) ആണ് മരിച്ചത്.
സ്കൂട്ടര് നിയന്ത്രണം വിട്ട് മറിഞ്ഞ് വാഹനം ഓടിച്ചിരുന്ന സ്ത്രീക്കും ഒപ്പമുണ്ടായിരുന്ന കുട്ടിക്കുമൊപ്പം യുവതിയും റോഡില് വീണു. പാണ്ടിക്കാട് നിന്ന് നിലമ്പൂരിലേക്ക് പോവുകയായിരുന്ന സ്വകാര്യ ബസിന്റെ പിന്ചക്രമാണ് റോഡില് വീണ യുവതിയുടെ ശരീരത്തിലൂടെ കയറിയിറങ്ങിയത്. സംഭവസ്ഥലത്ത് തന്നെ ഹുദ മരിച്ചു. ഒപ്പമുണ്ടായിരുന്ന സ്ത്രീയും കുട്ടിയും പരിക്കുകളില്ലാതെ രക്ഷപ്പെട്ടു. മൃതദേഹം ആശുപത്രി മോര്ച്ചറിയിലേക്ക് മാറ്റി. പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുകൊടുക്കും.
0 Comments