നിമിഷപ്രിയയെ കാണാൻ അമ്മ പ്രേമകുമാരി യമനിലേക്ക്.

നിമിഷപ്രിയയെ കാണാൻ അമ്മ പ്രേമകുമാരി യമനിലേക്ക്.

കൊച്ചി: നിമിഷപ്രിയയെ കാണാൻ അമ്മ പ്രേമകുമാരി യമനിലേക്ക് യാത്രയായി. ഇന്ന് രാവിലെ നെടുമ്പാശേരിയിൽ നിന്നും പുലർച്ചെ 5 മണിക്കുളള ഇൻഡിഗോ വിമാനത്തിൽ ഇതിനായി മുംബൈയിലേക്ക് പോയി. യാത്രയാക്കാൻ നിമിഷപ്രിയയുടെ ഭർത്താവും ഇവരുടെ മകളും എത്തിയിരുന്നു. സാമൂഹ്യ പ്രവർത്തകൻ സാമുവൽ ജെറോമിന്റെ കൂടെയാണ് പ്രേമകുമാരിയുടെ യാത്ര. തന്റെ മോളെയും കൊണ്ട് വരാൻ പറ്റുമെന്ന പ്രതീക്ഷയിലാണ് പോകുന്നതെന്ന് മാധ്യമങ്ങളോട് പ്രേമകുമാരി പറഞ്ഞു.

          യമൻകാരനായ യുവാവ് കൊല്ലപ്പെട്ട കേസിൽ വധശിക്ഷയക്കു വിധിക്കപ്പെട്ട് യമനിലെ ജയിലിൽ കഴിയുന്ന പാലക്കാട് സ്വദേശിനി നിമിഷപ്രിയയെ കാണാനാണ് അമ്മ പ്രേമ കുമാരി യമനിലേക്ക് പോകുന്നത്.

         മുംബൈയിൽ നിന്നും വൈകുന്നേരം 5ന് ഏദനിലേക്ക് തിരിക്കും. അവിടെ നിന്ന് യമൻ തലസ്ഥാനമായ സനയിലേക്ക് റോഡ് മാർഗ്ഗമെത്തും.

          യമൻ പൗരൻ തലാൽ അബ്ദുമഹിദി 2017ൽ കൊല്ലപ്പെട്ട കേസിലാണ് നിമിഷപ്രിയയെ വിചാരണ കോടതി വധശിക്ഷയ്ക്ക് വിധിച്ചത്. വധശിക്ഷയിൽ നിന്ന് മോചിതയാകാൻ അബ്ദു മഹദിയുടെ കുടുംബത്തിന് ആശ്വാസധനം നൽകുകയാണ് ഇനിയുള്ള മാർഗ്ഗം. ഇതിനായുള്ള ആദ്യഘട്ട ശ്രമം വിജയിച്ചിരുന്നില്ല.