കൂട്ടുകാരോടൊപ്പം കുളത്തില് കുളിക്കാനിറങ്ങിയ വിദ്യാര്ത്ഥി മരിച്ചു.
കോഴിക്കോട്: കൂട്ടുകാരോടൊപ്പം കുളത്തില് കുളിക്കാനിറങ്ങിയ വിദ്യാര്ത്ഥി മരിച്ചു. മാങ്കാവ് തറക്കല് ക്ഷേത്രത്തിന് സമീപം ദ്വാരക വീട്ടില് ജയപ്രകാശ്, സ്വപ്ന ദമ്പതികളുടെ മകന് സഞ്ജയ് കൃഷ്ണ(14) ആണ് മരിച്ചത്.
കുളത്തില് ചാടുന്നതിനിടെ തലയ്ക്ക് പരിക്കേറ്റ് മുങ്ങിപ്പോവുകയായിരുന്നു. ആഴ്ചവട്ടം ശിവക്ഷേത്രക്കുളത്തിലാണ് സഞ്ജയ് കൃഷ്ണയും സുഹൃത്തുക്കളും കുളിക്കാനിറങ്ങിയത്. കുളത്തിലേക്ക് ചാടിയ സഞ്ജയ് പൊങ്ങിവരാത്തതിനെ തുടര്ന്ന് പരിഭ്രാന്തരായ സുഹൃത്തുക്കള് ബഹളം വെക്കുകയായിരുന്നു. തുടര്ന്ന് സ്ഥലത്തെത്തിയ അഗ്നിരക്ഷാ സേനയാണ് കുട്ടിയെ കരക്കെത്തിച്ചത്. ഉടന് സമീപത്തെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. കോഴിക്കോട് സെന്റ്ജോസഫ്സ് ഹയര് സെക്കന്ഡറി സ്കൂളിലെ പത്താംതരം വിദ്യാര്ത്ഥിയായിരുന്നു.
0 Comments