മൂന്നാം വന്ദേഭാരത് സ്‌പെഷ്യല്‍ സര്‍വീസ് ഇന്നു മുതൽ.

മൂന്നാം വന്ദേഭാരത് സ്‌പെഷ്യല്‍ സര്‍വീസ് ഇന്നു മുതൽ.

തിരു.: കേരളത്തിന് ലഭിച്ച മൂന്നാമത്തെ വന്ദേഭാരത് സ്‌പെഷ്യല്‍ സര്‍വീസായി ഇന്നു മുതൽ സർവീസ് നടത്തും. കൊച്ചുവേളി - മംഗളൂരു  റൂട്ടിലാണ് വന്ദേഭാരത് സ്‌പെഷ്യല്‍ സര്‍വീസ് ആരംഭിക്കുന്നത്. രാവിലെ കൊച്ചുവേളിയില്‍ നിന്നാണ് സര്‍വീസ് ആരംഭിക്കുക. രാത്രിയോടെ ട്രെയിന്‍ മംഗളൂരുവില്‍ എത്തിച്ചേരും. എട്ട് കോച്ചുകളാണ് പുതിയ സര്‍വീസിനുമുള്ളത്. 11 മണിക്കൂര്‍ 15 മിനിറ്റ് കൊണ്ട് കൊച്ചുവേളിയില്‍ നിന്നും മംഗളുരുവില്‍ എത്തിച്ചേരും. കൊല്ലം, കോട്ടയം, എറണാകുളം ടൗണ്‍, തൃശൂര്‍, ഷൊര്‍ണൂര്‍, തിരൂര്‍, കോഴിക്കോട്, കണ്ണൂര്‍, കാസര്‍കോട് എന്നിങ്ങനെയാണ് സ്റ്റോപ്പുകള്‍. എസി ചെയര്‍കാറില്‍ കൊച്ചുവേളിയില്‍ നിന്ന് മംഗളൂരുവിലേക്ക് 1470 രൂപയാണ് ടിക്കറ്റ് നിരക്ക്. എക്‌സിക്യുട്ടീവ് ചെയര്‍ കാറില്‍ 2970 രൂപയും നിരക്കാവും. ടിക്കറ്റ് ബുക്കിംഗ് ആരംഭിച്ചു. ഐആര്‍സിടിസി വഴി ടിക്കറ്റ് ബുക്ക് ചെയ്യാം.

സമയക്രമം: (എത്തിച്ചേരുന്നത് / പുറപ്പെടുന്നത്)

കൊച്ചുവേളി- 10.45

കൊല്ലം - 11.40 – 11.43

കോട്ടയം - 12.55 -12.58

എറണാകുളം ടൗണ്‍ - 14.02 – 14.05

തൃശൂര്‍ -15.20 – 15.23

ഷൊര്‍ണൂര്‍ ജംഗ്ഷന്‍ - 16.15 -16.20

തിരൂര്‍ - 16.50 -16.52

കോഴിക്കോട് -17.32 -17.35

കണ്ണൂര്‍ - 18.47 – 18.50

കാസര്‍കോട് -20.32 – 20.34

മംഗളൂരു സെന്‍ട്രല്‍ - 22.00.