സംസ്ഥാനത്ത് ദുഃഖാചരണം പ്രഖ്യാപിച്ചിരിക്കെ, പന്തളം നഗരസഭയിൽ കേക്ക് മുറിച്ച് ആഘോഷം.

സംസ്ഥാനത്ത് ദുഃഖാചരണം പ്രഖ്യാപിച്ചിരിക്കെ, പന്തളം നഗരസഭയിൽ കേക്ക് മുറിച്ച് ആഘോഷം.

പത്തനംതിട്ട: വയനാട്ടിൽ ഉണ്ടായ പ്രകൃതി ദുരന്തത്തിൻ്റെ പശ്ചാത്തലത്തിൽ സംസ്ഥാനത്ത് ഏർപ്പെടുത്തിയ ഔദ്യോ​ഗിക ദു:ഖാചരണത്തിനിടെ പന്തളം നഗരസഭയിൽ കേക്ക് മുറിച്ച് ആഘോഷം. പന്തളം ന​ഗരസഭയുടെ വെൽനെസ് സെന്ററിലാണ് കേക്ക് മുറിച്ച് വാഷികാഘോഷം നടത്തിയത്.

         വികസനകാര്യ സ്റ്റാൻ്റിങ് കമ്മിറ്റി ചെയര്‍മാന്‍ ബെന്നി മാത്യുവും വെല്‍നെസ് സെൻ്ററിലെ ഉദ്യോഗസ്ഥരും ചടങ്ങില്‍ പങ്കെടുത്തു. ന​ഗരസഭാ കൗൺസിൽ യോ​ഗത്തിൽ അനുശോചനം രേഖപ്പെടുത്തി, ​ദേശീയ പതാക താഴ്ത്തിക്കെട്ടിയ ശേഷമാണ് വെൽനെസ് സെൻ്ററിൻ്റെ വാർഷികാഘോഷം നടത്തിയത്.