വയനാട് വിഷയം : രാജ്യസഭയിൽ പൊട്ടിത്തെറിച്ച് ജോസ് കെ. മാണി.
ന്യൂ ഡൽഹി: വയനാട് ഉരുൾപൊട്ടൽ രാജ്യസഭയുടെ അജണ്ട മാറ്റിവച്ച് ചർച്ച ചെയ്യണമെന്ന ആവശ്യം രാജ്യസഭാ അദ്ധ്യക്ഷൻ അംഗീകരിക്കാത്തതിനെ തുടർന്ന് ജോസ് കെ. മാണി എംപി പൊട്ടിത്തെറിച്ചു.
500ലധികം കുടുംബങ്ങൾ നിരാലംബരും നിരാശ്രയരുമായി നിൽക്കുമ്പോൾ, സർക്കാർ യാതൊരു ഗൗരവവും കാണിക്കുന്നില്ലെന്ന് ജോസ് കെ. മാണി രാജ്യസഭയിൽ പറഞ്ഞു. വയനാടിനെ കൈവിടരുതെന്ന് ജോസ് കെ. മാണി കൈകൂപ്പി അപേക്ഷിച്ചു. ആരുമില്ലാത്തവർക്കു വേണ്ടിയാണ് താൻ സംസാരിക്കുന്നത്. ഒരു രാത്രി കൊണ്ട് ഒരായുസാണ് അവസാനിച്ചത്. പിഞ്ചുകുഞ്ഞുങ്ങൾ ഉൾപ്പെടെയുള്ളവർ അപ്രത്യക്ഷരായി. മനസിൽ കരുണ വറ്റാത്തവർക്കൊന്നും വയനാട്ടിലെ കാഴ്ചകൾ കാണാൻ കഴിയുന്നില്ല. കൈയും മെയ്യും മറന്ന് കേരളത്തിനൊപ്പം നിൽക്കേണ്ട സർക്കാർ പുലർത്തുന്ന മൗനം കുറ്റകരമാണെന്നും അദ്ദേഹം രാജ്യസഭയിൽ പറഞ്ഞു.
0 Comments