യാക്കോബായ സഭ പരമാദ്ധ്യക്ഷൻ പരിശുദ്ധ ഇഗ്നാത്തിയോസ് അപ്രേം ദ്വിതീയൻ പാത്രിയർക്കീസ് ബാവാ കൊച്ചിയിലെത്തി.

യാക്കോബായ സഭ പരമാദ്ധ്യക്ഷൻ പരിശുദ്ധ ഇഗ്നാത്തിയോസ് അപ്രേം ദ്വിതീയൻ പാത്രിയർക്കീസ് ബാവാ കൊച്ചിയിലെത്തി. 

കൊച്ചി: പത്തു ദിവസത്തെ സന്ദർശനത്തിനായി യാക്കോബായ സഭ പരമാദ്ധ്യക്ഷൻ പരിശുദ്ധ ഇഗ്നാത്തിയോസ് അപ്രേം ദ്വിതീയൻ പാത്രിയർക്കീസ് ബാവാ കൊച്ചിയിലെത്തി. ദുബായില്‍ നിന്നു എമിറേറ്റ്സ് വിമാനത്തില്‍ രാവിലെ 8.30നാണ് അദ്ദേഹം കൊച്ചി വിമാനത്താവളത്തിലെത്തിയത്. യാക്കോബായ സഭാ മലങ്കര മെത്രാപ്പൊലീത്ത ജോസഫ് മാർ ഗ്രിഗോറിയോസും സഭാ ഭാരവാഹികളും ചേർന്ന് ബാവായെ സ്വീകരിച്ചു.

       പുത്തൻകുരിശ് പാത്രിയർക്കാ സെന്ററിലെ ശ്രേഷ്ഠ ബസേലിയോസ് തോമസ് പ്രഥമൻ ബാവായുടെ കബറിടത്തില്‍ പ്രാർത്ഥിച്ച ശേഷം, അദ്ദേഹം പാത്രിയർക്കാ സെന്ററില്‍ വിശ്രമിക്കും. മലേക്കുരിശു ദയറയിലാണ് രാത്രി താമസം. ഞായറാഴ്ച രാവിലെ മലേക്കുരിശു ദയറയില്‍ കുർബാനയും അർപ്പിക്കും. ഉച്ചയ്ക്ക് 3.30ന് പുത്തൻകുരിശ് പാത്രിയർക്കാ സെന്ററില്‍ യാക്കോബായ സഭാ എപ്പിസ്കോപ്പല്‍ സിനഡില്‍ പങ്കെടുക്കും. തുടർന്ന്,

സന്ധ്യാപ്രാർത്ഥനയിലും പങ്കെടുക്കും. ഡിസംബർ 9നു രാവിലെ 8നു പുത്തൻകുരിശ് പാത്രിയർക്കാ കത്തീഡ്രലില്‍ ശ്രേഷ്ഠ ബസേലിയോസ് തോമസ് പ്രഥമൻ കാതോലിക്കാ ബാവായുടെ 40-ാം ഓർമ്മ ദിനത്തോടനുബന്ധിച്ചു നടക്കുന്ന കുർബാനയില്‍ മുഖ്യകാർമ്മികത്വം വഹിക്കും. തുടർന്നു നടക്കുന്ന അനുസ്മരണ സമ്മേളനത്തിലും നേർച്ചസദ്യയിലും പങ്കെടുത്തതിനു ശേഷം 10നു മഞ്ഞനിക്കരയിലേക്കു പോകും. 17നു രാവിലെ കൊച്ചി വിമാനത്താവളത്തില്‍ നിന്നാണ് മടക്കം.