ഞായറാഴ്ച ട്രെയിന്‍ ഗതാഗതത്തിൽ നിയന്ത്രണം.

ഞായറാഴ്ച ട്രെയിന്‍ ഗതാഗതത്തിൽ നിയന്ത്രണം.

തൃശൂർ: ഒല്ലൂര്‍ സ്റ്റേഷനിലും പുതുക്കാട് സ്റ്റേഷനിലും റെയില്‍വേ ട്രാക്ക് നവീകരണം നടക്കുന്നതിനാല്‍ 19 ഞായറാഴ്ച ട്രെയിന്‍ ഗതാഗത നിയന്ത്രണം ഉണ്ടാകും.

        ഞായറാഴ്ച വെളുപ്പിന് 3.30നും 7.30നും ഇടയിലാണ് ഗതാഗത നിയന്ത്രണം ഏര്‍പ്പെടുത്തിയിരിക്കുന്നത്. ചില ട്രെയിനുകള്‍ ഭാഗികമായും ചില ട്രെയിനുകള്‍ പൂര്‍ണ്ണമായും റദ്ദാക്കിയിട്ടുണ്ട്. മറ്റ് ചില ട്രെയിനുകള്‍ക്ക് നിയന്ത്രണവും ഉണ്ടാകും. 18ന് സര്‍വീസ് തുടങ്ങുന്ന ചെന്നൈ എഗ്മൂര്‍ - ഗുരുവായൂര്‍ ട്രെയിന്‍ (16127) ചാലക്കുടിയില്‍ ഓട്ടം അവസാനിപ്പിക്കും. 19ന് സര്‍വീസ് തുടങ്ങുന്ന എറണാകുളം ജംഗ്ഷന്‍ - കണ്ണൂര്‍ (16305) ഇന്റര്‍സിറ്റി എക്സ്പ്രസ് എറണാകുളത്തിനും തൃശൂരിനും മദ്ധ്യേ റദ്ദാക്കി തൃശൂരില്‍ നിന്നാകും സര്‍വീസ് ആരംഭിക്കുക. 18ന് സര്‍വീസ് തുടങ്ങുന്ന തിരുവനന്തപുരം സെന്‍ട്രല്‍ - ഗുരുവായൂര്‍ ട്രെയിന്‍ (16342) എറണാകുളത്ത് സര്‍വീസ് അവസാനിപ്പിക്കും. 19ന് സര്‍വീസ് തുടങ്ങുന്ന ഗുരുവായൂര്‍ - തിരുവനന്തപുരം സെന്‍ട്രല്‍ (16341) എറണാകുളത്തു നിന്നാകും യാത്ര ആരംഭിക്കുക. 18ന് സര്‍വീസ് തുടങ്ങുന്ന കാരൈക്കല്‍ - എറണാകുളം ട്രെയിന്‍ (16187) പാലക്കാട് യാത്ര അവസാനിപ്പിക്കും. 19ന് സര്‍വീസ് തുടങ്ങുന്ന എറണാകുളം - കാരൈക്കല്‍ ട്രെയിന്‍ (16188) യാത്ര തിരികെ ആരംഭിക്കുന്നത് പാലക്കാട് നിന്നാകും.

       18ന് സര്‍വീസ് തുടങ്ങുന്ന മധുരൈ - ഗുരുവായൂര്‍ (16327) ട്രെയിന്‍ ആലുവയില്‍ യാത്ര അവസാനിപ്പിക്കും. 19ന് സര്‍വീസ് തുടങ്ങുന്ന ഗുരുവായൂര്‍ - മധുരൈ (16328) ട്രെയിന്‍ ആലുവയില്‍ നിന്നാകും യാത്ര ആരംഭിക്കുക. 18ന് യാത്ര തുടങ്ങുന്ന ചെന്നൈ സെന്‍ട്രല്‍ - ആലപ്പുഴ എക്സ്പ്രസ് പാലക്കാട് വരെയേ സര്‍വീസുണ്ടാകൂ. 19ന് സര്‍വീസ് തുടങ്ങുന്ന ആലപ്പുഴ- ചെന്നൈ സെന്‍ട്രല്‍ (22640) എക്സ്പ്രസ് പാലക്കാട് നിന്നാകും സര്‍വീസ് ആരംഭിക്കുക.

            ചെന്നൈ സെന്‍ട്രല്‍ - തിരുവനന്തപുരം സെന്‍ട്രല്‍ (12623) ട്രെയിനിന് 120 മിനിറ്റും മംഗള ലക്ഷദ്വീപ് (12618) ട്രെയിനിന് 110 മിനിറ്റും ബംഗളൂരു സിറ്റി - കന്യാകുമാരി എക്സ്പ്രസ് (16526) ട്രെയിനിന് നൂറു മിനിറ്റും കേരള സമ്പര്‍ക്ക് ക്രാന്തി എക്സ്പ്രസ് (12218) ട്രെയിനിന് 70 മിനിറ്റും നിയന്ത്രണം ഉണ്ടാകും.

റദ്ദാക്കിയ ട്രെയിനുകള്‍

എറണാകുളം - ഷൊര്‍ണൂര്‍ മെമു (66320), 18ന്.

ഷൊര്‍ണൂര്‍ - എറണാകുളം മെമു (66319), 19ന്.

എറണാകുളം - ഗുരുവായൂര്‍ പാസഞ്ചര്‍ (56318), 18ന്.

ഗുരുവായൂര്‍ - എറണാകുളം പാസഞ്ചര്‍ (56313), 19ന്.

എറണാകുളം - കോട്ടയം (56005) പാസഞ്ചര്‍, 19ന്.

കോട്ടയം - എറണാകുളം പാസഞ്ചര്‍ (56006), 19ന്.