ട്രെയിന്‍ സമയങ്ങളില്‍ അടുത്തയാഴ്ച താല്‍കാലിക മാറ്റങ്ങള്‍; സ്റ്റോപ്പുകള്‍ റദ്ദാക്കും; ചില വണ്ടികള്‍ ഓടില്ല.

ട്രെയിന്‍ സമയങ്ങളില്‍ അടുത്തയാഴ്ച താല്‍കാലിക മാറ്റങ്ങള്‍; സ്റ്റോപ്പുകള്‍ റദ്ദാക്കും; ചില വണ്ടികള്‍ ഓടില്ല.

തിരു.: തിരുവനന്തപുരം റെയില്‍വെ ഡിവിഷനില്‍ എഞ്ചിനീയിറിംഗ് ജോലികള്‍ നടക്കുന്നതിനാല്‍ ജനുവരി 18നും 26നും ഇടയില്‍ ട്രെയിന്‍ സര്‍വ്വീസുകള്‍ തടസപ്പെടും. എറണാകുളത്തിനും ഗുരുവായൂരിനും ഇടയിലാണ് ട്രെയിനുകളുടെ ഷെഡ്യൂളുകളില്‍ താല്‍കാലിക മാറ്റം വരുന്നത്. ചില ട്രെയിനുകള്‍ പുറപ്പെടുന്ന സ്റ്റേഷനുകളില്‍ മാറ്റമുണ്ട്. നാലു ട്രെയിനുകള്‍ പൂര്‍ണ്ണമായും റദ്ദാക്കിയതായി ദക്ഷിണ റെയില്‍വേ അറിയിച്ചു. ജനുവരി 18, 19, 25, 26 എന്നീ തീയതികളിലാണ് ട്രെയിന്‍ ഗതാഗതം ഭാഗികമായി തടസ്സപ്പെടുന്നത്.

       ചെന്നൈ എഗ്മോറില്‍ നിന്ന് ഗുരുവായൂരിലേക്കുള്ള എക്‌സ്പ്രസ് ട്രെയിന്‍ (16127) ജനുവരി 18നും 25നും ചാലക്കുടിയില്‍ യാത്ര അവസാനിപ്പിക്കും. ചാലക്കുടി മുതല്‍ ഗുരുവായൂര്‍ വരെയുള്ള യാത്ര റദ്ദാക്കും. ചെന്നൈ സെന്‍ട്രലില്‍ നിന്ന് ആലപ്പുഴയിലേക്കുള്ള സൂപ്പര്‍ ഫാസ്റ്റ് എക്‌സ്പ്രസ് (22639) 18, 25 തീയതികളില്‍ പാലക്കാട് യാത്ര അവസാനിപ്പിക്കും. ആലപ്പുഴയിലേക്ക് തുടര്‍യാത്രയുണ്ടാവില്ല. തിരുവനന്തപുരം സെന്‍ട്രലില്‍ നിന്ന് ഗുരുവായൂരിലേക്കുള്ള എക്‌സ്പ്രസ് ട്രെയിന്‍ (16342) 18നും 25നും എറണാകുളം ജംഗ്ഷനില്‍ യാത്ര അവസാനിപ്പിക്കും. കരൈക്കലില്‍ നിന്ന് എറണാകുളം ജംഗ്ഷനിലേക്കുള്ള എക്‌സ്പ്രസ് (16187) പാലക്കാട് വരെ മാത്രമേ സർവീസ് നടത്തുകയുള്ളൂ. മധുരയില്‍ നിന്ന് ഗുരുവായൂരിലേക്കുള്ള എക്‌സ്പ്രസ് (16327) ഈ ദിവസങ്ങളില്‍ ആലുവയിലും യാത്ര അവസാനിപ്പിക്കും. ആലപ്പുഴ - ചെന്നൈ സെന്‍ട്രല്‍ എക്‌സ്പ്രസ് (22640) ജനുവരി 19, 26 ദിവസങ്ങളില്‍ പാലക്കാട് നിന്നാണ് യാത്ര പുറപ്പെടുക. സമയം രാത്രി 7.50.

          എറണാകുളം -കണ്ണൂര്‍ എക്‌സ്പ്രസ് (16305) ജനുവരി 19നും 26നും തൃശൂരില്‍ നിന്ന് രാവിലെ 7.16ന് പുറപ്പെടും. ഗുരുവായൂര്‍-തിരുവനന്തപുരം എക്‌സ്പ്രസ് 19നും 26നും എറണാകുളത്തു നിന്ന് രാവിലെ 5.20നാണ് തിരുവനന്തപുരത്തേക്ക് പുറപ്പെടുക. എറണാകുളം-കരൈക്കല്‍ എക്‌സ്പ്രസ് (16188) ഈ തീയതികളില്‍ പാലക്കാട് നിന്ന് പുലര്‍ച്ചെ 1.40നാണ് പുറപ്പെടുക. ഗുരുവായൂര്‍ -മധുരൈ എക്‌സ്പ്രസ് (16328) 19നും 26നും ആലുവയില്‍ നിന്ന് രാവിലെ 7.24ന് പുറപ്പെടും.

         ജനുവരി 18നും 26നും ഇടയില്‍ നാലു ട്രെയിനുകള്‍ റദ്ദാക്കും. എറണാകുളം -ഷൊര്‍ണൂര്‍ സ്‌പെഷ്യല്‍ (06018) ജനുവരി 18, 25 തീയതികളില്‍ ഓടില്ല. ജനുവരി 19ന് സര്‍വ്വീസ് നടത്തേണ്ട ഷൊര്‍ണൂര്‍-എറണാകുളം സ്‌പെഷ്യല്‍ (06017), ഗുരുവായൂര്‍-എറണാകുളം പാസഞ്ചര്‍ (06439), കോട്ടയം-എറണാകുളം പാസഞ്ചര്‍ (06434) എന്നീ ട്രെയിനുകളും റദ്ദാക്കിയതായി ദക്ഷിണ റെയില്‍വെ വെബ് സൈറ്റില്‍ അറിയിച്ചു.