ലോറിക്ക് പിന്നിൽ ബൈക്ക് ഇടിച്ച് യുവാവ് മരിച്ചു.
പാലക്കാട്: ലോറിക്ക് പിന്നിൽ ബൈക്ക് ഇടിച്ച് യുവാവ് മരിച്ചു. കോട്ടയം പാമ്പാടി പങ്ങട സ്വദേശി പുലിയുറുമ്പിൽ സനൽ സജി (24) ആണ് മരിച്ചത്. കൂടെ സഞ്ചരിച്ച കോട്ടയം ചങ്ങനാശ്ശേരി പെരുമ്പനച്ചി സ്വദേശിനി ഇവിയോണിനെ (25) ഗുരുതര പരിക്കുകളോടെ തൃശ്ശൂരിലെ മെഡിക്കൽ കോളേജിൽ പ്രവേശിപ്പിച്ചു.
ബാംഗ്ലൂരിലേക്ക് പോകുംവഴി വടക്കഞ്ചേരി മണ്ണുത്തി ദേശീയ പാതയിൽ ചുവട്ടുപാടത്ത് വെള്ളിയാഴ്ച പുലർച്ചെ ഒരു മണിയോടെയാണ് സംഭവം. ദേശീയ പാതയ്ക്ക് അരികിൽ നിർത്തിയിട്ട ലോറിക്ക് പിന്നിലാണ് ഇവർ ഓടിച്ചിരുന്ന ബൈക്ക് ഇടിച്ചതെന്നാണ് പോലീസ് പറയുന്നത്. മരിച്ച സനൽ സജി ഫിലിം എഡിറ്റാണ്. വടക്കഞ്ചേരി പോലീസ് സ്ഥലത്തെത്തി തുടർനടപടികൾ സ്വീകരിച്ചു.
0 Comments