ന്യൂഡൽഹി: ഫ്രാന്‍സ്, അമേരിക്ക സന്ദര്‍ശനത്തിനായി പ്രധാനമന്ത്രി നരേന്ദ്രമോദി ഇന്ന് ഉച്ചയ്ക്ക് യാത്ര തിരിക്കും. ഫ്രാൻസിൽ നടക്കുന്ന എഐ ഉച്ചകോടിയിൽ പങ്കെടുക്കുന്ന മോദി ഉച്ചകോടിക്കു ശേഷം യുഎസിലേക്ക് യാത്ര തിരിക്കും. ഇന്ന് വൈകിട്ടോടെ പാരീസിലെത്തുന്ന പ്രധാനമന്ത്രി, നാളെ നടക്കുന്ന എഐ ഉച്ചകോടിയിൽ ഫ്രഞ്ച് പ്രസിഡന്റ് ഇമ്മാനുവൽ മക്രോയ്ക്കൊപ്പം അദ്ധ്യക്ഷത വഹിക്കും. ഉച്ചകോടിക്കു ശേഷം പ്രസിഡന്റ് ഇമ്മാനുവൽ മക്രോയുമായി മോദി കൂടിക്കാഴ്ച നടത്തും. ഫെബ്രുവരി 12, 13 തിയതികളിലാണ് മോദിയുടെ യുഎസ് സന്ദര്‍ശനം. യുഎസ് പ്രസിഡണ്ട് ഡൊണാൾഡ് ട്രംപുമായി വ്യാഴാഴ്ചയാണ് പ്രധാനമന്ത്രി കൂടിക്കാഴ്ച നടത്തുക.
0 Comments