ചൂട് കനക്കുന്നു; സംസ്ഥാനത്ത് ജോലി സമയം പുനഃക്രമീകരിച്ചു.

ചൂട് കനക്കുന്നു; സംസ്ഥാനത്ത് ജോലി സമയം പുനഃക്രമീകരിച്ചു.

തിരു.: സംസ്ഥാനത്തെ ഉയർന്ന താപനില കണത്തിലെടുത്ത് ജോലി സമയം പുനഃക്രമീകരിച്ച് ലേബർ കമ്മീഷണർ. ഉച്ചയ്ക്ക് 12 മണി മുതൽ 3 മണി വരെ തൊഴിലാളികൾക്ക് വിശ്രമം നൽകണമെന്നാണ് ലേബർ കമ്മീഷണർ നിര്‍ദ്ദേശം നല്‍കിയിരിക്കുന്നത്. 

         രാവിലെ ഏഴിനും വൈകിട്ട് ഏഴിനും ഇടയിൽ 8 മണിക്കൂർ ആക്കി ജോലി സമയം ക്രമീകരിക്കണം. ഫെബ്രുവരി 11 മുതൽ മെയ് 10 വരെയാണ് നിയന്ത്രണം. തൊഴിലാളികൾക്ക് സൂര്യാഘാതം ഏൽക്കാനുള്ള സാഹചര്യം കണക്കിലെടുത്താണ് നടപടി.

        നിർമ്മാണ മേഖലയിലും റോഡ് നിർമ്മാണ ജോലിക്കാർക്കിടയിലും കർശനമായി സമയക്രമീകരണം നടപ്പാക്കാനും നിർദ്ദേശം നല്‍കിയിട്ടുണ്ട്.

       അതേസമയം, രാവിലെ ഏഴു മണിയ്ക്ക് ജോലിയ്ക്ക് എത്തുന്നതിനും വൈകിട്ട് ഏഴുമണി കഴിഞ്ഞ് തിരികെ പോകുന്നതിനും ഗതാഗത സൗകര്യമില്ലാത്തത്, പല തൊഴിലാളികൾക്കും ബുദ്ധിമുട്ട് സൃഷ്ടിക്കുന്നുണ്ട്. സമയം കുറച്ച് ജോലി ചെയ്താൽ പൂർണ്ണമായ വേതനം ലഭിക്കുമോയെന്ന ആശങ്കയും തൊഴിലാളികളിലുണ്ട്.