തൊഴുപുഴയില് നിന്ന് കാണാതായ ആളെ കൊലപ്പെടുത്തിയ നിലയിൽ.
തൊടുപുഴ: തൊഴുപുഴയില് നിന്ന് കാണാതായ ആളെ കൊലപ്പെടുത്തിയ നിലയിൽ. ചുങ്കം സ്വദേശി ബിജു ജോസഫിൻ്റെ മൃതദേഹമാണ് കണ്ടെത്തിയത്. വ്യാഴാഴ്ച മുതല് കാണാനില്ലെന്ന് കുടുംബം പരാതി നല്കിയിരുന്നു.
ബിജുവിനെ കാണാനില്ലെന്ന് കാണിച്ച് ഭാര്യയാണ് പോലീസില് പരാതി നല്കിയത്. അതിനു ശേഷം ബന്ധുക്കള് പൊലീസില് പരാതി നല്കുകയായിരുന്നു. ഇതിന്റെ അടിസ്ഥാനത്തില് കേസന്വേഷണം പുരോഗമിക്കവെയാണ് കലയന്താനിയിലേക്കുള്ള ഗോഡൗണിലേക്ക് പൊലീസിന്റെ അന്വേഷണം ചെന്നെത്തിയത്. ബിജുവിനെ കൊന്ന് മൃതദേഹം ഗോഡൗണിലെ മാൻഹോളില് ഒളിപ്പിക്കുകയായിരുന്നു.
സംഭവത്തില് പൊലീസ് മൂന്നു പേരെ കസ്റ്റഡിയിലെടുത്തു. കസ്റ്റഡിയിലുള്ളവരില് ക്വട്ടേഷൻ സംഘാംഗങ്ങളും ഉണ്ടെന്നാണ് പൊലീസ് നല്കുന്ന വിവരം. എറണാകുളത്ത് നിന്ന് കാപ്പ ചുമത്തിയ പ്രതിയെ പിടികൂടുന്നതിനിടയിലാണ് മറ്റ് മൂന്ന് പേരെക്കൂടി പൊലീസ് സംശയാസ്പദമായി പിടികൂടുന്നത്. ഇവരെ ചോദ്യം ചെയ്തതില് നിന്നാണ് കാണാതായ ബിജുവിന്റെ തിരോധാനം സംബന്ധിച്ച സൂചനകള് ലഭിക്കുന്നത്.
0 Comments