കഞ്ചാവ് നിറച്ച ബാഗ് മടിയിൽ വച്ച് കൂളായി യാത്ര: പന്ത്രണ്ടര കിലോ കഞ്ചാവുമായി രണ്ടു പേർ പിടിയിൽ.

കഞ്ചാവ് നിറച്ച ബാഗ് മടിയിൽ വച്ച് കൂളായി യാത്ര: പന്ത്രണ്ടര കിലോ കഞ്ചാവുമായി രണ്ടു പേർ പിടിയിൽ.

കൊല്ലം: ആര്യങ്കാവിൽ കെഎസ്ആർടിസി ബസിൽ കടത്തുകയായിരുന്ന പന്ത്രണ്ടര കിലോ കഞ്ചാവ് പിടികൂടി. പാലക്കാട് സ്വദേശികളായ മുബഷീർ, പ്രജോഷ് എന്നിവരെ എക്സൈസ് സംഘം അറസ്റ്റ് ചെയ്തു. തെങ്കാശിയിൽ നിന്ന് കായംകുളത്തേക്ക് പോയ ബസിലാണ് കഞ്ചാവ് കടത്തിയത്. സീറ്റിൽ ഇരുന്നതിനു ശേഷം കഞ്ചാവ് നിറച്ച ബാഗ് മടിയിൽ വച്ചായിരുന്നു ഇവരുടെ യാത്ര. ദേഹപരിശോധന നടത്താനാണ് സാറ് വന്നത്, ആ ബാഗ് തരൂ എന്ന് എക്സൈസ് ഉദ്യോഗസ്ഥൻ പറഞ്ഞതോടെ ബാഗ് ഉദ്യോഗസ്ഥർക്ക് കൈമാറുകയായിരുന്നു.