വിഷു, തമിഴ് പുതുവർഷ ആഘോഷങ്ങൾ; സ്പെഷ്യൽ സർവീസുകൾ പ്രഖ്യാപിച്ച് റെയിൽവേ.

വിഷു, തമിഴ് പുതുവർഷ ആഘോഷങ്ങൾ; സ്പെഷ്യൽ സർവീസുകൾ പ്രഖ്യാപിച്ച് റെയിൽവേ.

കൊച്ചി: ആഘോഷ ദിവസങ്ങളിലേക്കായി സ്പെഷ്യൽ സർവീസുകൾ പ്രഖ്യാപിച്ച് റെയിൽവേ. വിഷു, തമിഴ് പുതുവർഷം എന്നീ ആഘോഷങ്ങൾ മുൻനിർത്തിയാണ് സ്പെഷ്യൽ ട്രെയിനുകൾ അനുവദിച്ചത്. ഏപ്രിൽ 12, ഏപ്രിൽ 19 എന്നീ ദിവസങ്ങളിൽ ചെന്നൈ മുതൽ കൊല്ലം വരെ ഓടുന്ന സ്പെഷ്യൽ ട്രെയിൻ രാത്രി 11.20ന് യാത്ര പുറപ്പെടും.

       ഏപ്രിൽ 10നും ഏപ്രിൽ 17നും സർവീസ് നടത്തുന്ന മംഗലാപുരം- തിരുവനന്തപുരം സ്പെഷ്യൽ ട്രെയിൻ വൈകിട്ട് 6.00ന് പുറപ്പെടും. ഏപ്രിൽ 11നും ഏപ്രിൽ 18നും തിരുവനന്തപുരം നോർത്തിൽ നിന്നും മംഗലാപുരത്തേയ്ക്കുളള സ്പെഷ്യൽ ട്രെയിൻ വൈകിട്ട് 6.40ന് പുറപ്പെടും. ബുധനാഴ്ച വൈകിട്ട് 6 മണി മുതൽ സ്പെഷ്യൽ ട്രെയിനുകൾക്കായുള്ള ബുക്കിംഗ് ആരംഭിച്ചു.