തൃശൂരിൽ സ്വകാര്യ ബസുകള്‍ പണിമുടക്കുന്നു.
തൃശൂർ: റോഡുകളുടെ ശോച്യാവസ്ഥ അടക്കം വിവിധ വിഷയങ്ങള്‍ ഉന്നയിച്ച് കൊടുങ്ങല്ലൂര്‍-ഗുരുവായൂര്‍ റൂട്ടിലെ സ്വകാര്യ ബസുകള്‍ പണിമുടക്കുന്നു. ജൂലൈ 21 മുതലാണ് ബസ് സര്‍വീസ് നിര്‍ത്തിവെച്ചുകൊണ്ടുള്ള സമരം.
റോഡുകളുടെ തകര്‍ച്ചമൂലം കൃത്യസമയത്ത് ഓടിയെത്താനാകാതെ ബുദ്ധിമുട്ടിലാകുകയാണെന്നും ബസുകളുടെ അറ്റകുറ്റപ്പണിയടക്കം വര്‍ദ്ധിച്ചതായും ബസ് ഉടമകള്‍ ചൂണ്ടിക്കാട്ടുന്നു. റോഡുകളുടെ ശോച്യാവസ്ഥ പരിഹരിക്കുക, അമിതമായ ടാക്സ് പിൻവലിക്കുക, അനധികൃതമായ പണിഷ്മെന്‍റ് ഫീസ് നിർത്തലാക്കുക, ബസ് ജീവനക്കാരുടെ ശാരീരിക സുരക്ഷ ഉറപ്പാക്കുക തുടങ്ങിയ ആവശ്യങ്ങളടക്കം ഉന്നയിച്ചാണ് സമരം.
കൊടുങ്ങല്ലൂർ- ഗുരുവായൂർ റൂട്ടിലെ മുഴുവൻ സ്വകാര്യ ബസ്സുകളും ജൂലൈ 21 മുതൽ അനിശ്ചിത കാലത്തേക്ക് സർവീസ് നിർത്തി വെക്കുമെന്ന് വാഹന ഉടമകള്‍ അറിയിച്ചു. നിരവധി നിവേദനങ്ങൾ കളക്ടർ ഉൾപ്പെടെയുള്ള അധികാരികൾക്ക് സമർപ്പിച്ചിട്ടും നടപടികൾ ഇല്ലാത്ത സാഹചര്യത്തിലാണ് സർവീസ് നിർത്തിവെക്കുന്നതെന്ന് വാഹന ഉടമകൾ പറഞ്ഞു. റോഡുകളുടെ ശോച്യാവസ്ഥ അടിയന്തരമായി പരിഹരിക്കണമെന്നതാണ് പ്രധാന ആവശ്യം.
0 Comments