ഓണത്തിന് കേരളത്തിലേയ്ക്ക് സ്പെഷ്യൽ ട്രെയിൻ.

ഓണത്തിന് കേരളത്തിലേയ്ക്ക് സ്പെഷ്യൽ ട്രെയിൻ.

കോട്ടയം: ഓണത്തിന് ചെന്നൈയിൽ നിന്നും കേരളത്തിലേയ്ക്ക് കോട്ടയം വഴി സ്പെഷ്യൽ ട്രെയിനുകൾ അനുവദിച്ചു. സേലം, ഈറോ‍ഡ്, പാലക്കാട് വഴിയാണ് സർവീസ്.

        ചെന്നൈ സെൻട്രൽ–കൊല്ലം (06119) ട്രെയിൻ ഓഗസ്റ്റ് 27, സെപ്റ്റംബർ 3, 10 തീയതികളിൽ ചെന്നൈ സെൻട്രലിൽ നിന്ന് ഉച്ചതിരിഞ്ഞ് 3.10ന് പുറപ്പെട്ട് പിറ്റേന്ന് രാവിലെ 6.20ന് കൊല്ലത്തെത്തും. കൊല്ലം–ചെന്നൈ സെൻട്രൽ (06120) ട്രെയിൻ ഓഗസ്റ്റ് 28, സെപ്റ്റംബർ 4, 11 തീയതികളിൽ രാവിലെ 10.45ന് പുറപ്പെട്ട് പിറ്റേന്ന് പുലർച്ചെ 3.30ന് ചെന്നൈയിലെത്തും.

        ചെന്നൈ സെൻട്രൽ–കോട്ടയം ട്രെയിൻ (06111) ഓഗസ്റ്റ് 26, സെപ്റ്റംബർ 2, 9 തീയതികളിൽ രാത്രി 11.20ന് പുറപ്പെട്ട് പിറ്റേന്ന് ഉച്ചയ്ക്ക് 1.30ന് കോട്ടയത്തെത്തും. കോട്ടയം–ചെന്നൈ സെൻട്രൽ (06112) ഓഗസ്റ്റ് 27, സെപ്റ്റംബർ 3, 10 തീയതികളിൽ വൈകിട്ട് ആറിന് പുറപ്പെട്ട് പിറ്റേന്ന് രാവിലെ 11.35ന് ചെന്നൈയിലെത്തും.

       സെപ്റ്റംബർ രണ്ട്, മൂന്ന്, നാല് തീയതികളിൽ പതിവു തീവണ്ടികളിലെ ടിക്കറ്റുകൾ ബുക്കിങ് തുടങ്ങി മണിക്കൂറുകൾക്കകം തീർന്നിരുന്നു.