ഉത്തരേന്ത്യയിൽ പീഡനവും കേരളത്തിൽ പ്രീണനവുമാണ് നടക്കുന്നത്: മലങ്കര ഓർത്തഡോക്സ് സഭ.

ഉത്തരേന്ത്യയിൽ പീഡനവും കേരളത്തിൽ പ്രീണനവുമാണ് നടക്കുന്നത്: മലങ്കര ഓർത്തഡോക്സ് സഭ.

കോട്ടയം: ഉത്തരേന്ത്യയിൽ പീഡനവും കേരളത്തിൽ പ്രീണനവും എന്നതാണ് നിലവിലെ സാഹചര്യമെന്ന് മലങ്കര ഓർത്തഡോക്സ് സഭ. ഛത്തീസ്ഗഡിൽ മലയാളി കന്യസ്ത്രീകളെ അറസ്റ്റ് ചെയ്ത നടപടി ഏറെ ആശങ്ക ഉളവാക്കുന്നതാണെന്നും വിഷയത്തിൽ പ്രതികരിച്ചു കൊണ്ട്  സഭ അസോസിയേഷൻ സെക്രട്ടറി അഡ്വ. ബിജു ഉമ്മൻ കോട്ടയത്ത് പറഞ്ഞു.

         തീവ്രവാദ സ്വഭാവമുള്ള ചില മതസംഘടനകൾ പോലീസിന്റെ സാന്നിധ്യത്തിൽ നിയമം കൈയ്യിലെടുത്ത് കന്യാസ്ത്രീകളുടെ നേരെ നടത്തിയത് കയ്യേറ്റ ശ്രമമാണ്. നിയമവാഴ്ചയില്ലാത്ത ഒരു സാഹചര്യമാണോ ആ സംസ്ഥാനത്ത് ഉളളതെന്ന് പോലും  ആശങ്കപ്പെടുന്നതായും യാതൊരു മനസ്സാക്ഷയുമില്ലാത്ത നടപടിയാണ് ഉണ്ടായതെന്നും, ഇന്നിത് തിരിച്ചറിയുവാൻ ശക്തിയുള്ളവരാണ് ഇന്ത്യയിലെ എല്ലാ ആളുകളും, പ്രത്യേകിച്ച് മലയാളികളെന്നും അദ്ദേഹം ചൂണ്ടിക്കാട്ടി.

      കന്യാസ്ത്രീകൾക്ക് നീതി ലഭിക്കുന്നില്ലെങ്കിൽ ശക്തമായ പോരാട്ടവും പ്രക്ഷോഭവും ഉണ്ടാകുമെന്നും അദ്ദേഹം വ്യക്തമാക്കി.