മണർകാട് കത്തീഡ്രലിലെ എട്ടുനോമ്പ് ആചരണത്തിന് തുടക്കമായി.

മണർകാട് കത്തീഡ്രലിലെ എട്ടുനോമ്പ് ആചരണത്തിന് തുടക്കമായി.

കോട്ടയം: ആ​ഗോള മരിയൻ തീർത്ഥാടന കേന്ദ്രമായ മണർകാട് സെന്റ് മേരീസ് യാക്കോബായ സുറിയാനി ക​ത്തീ​ഡ്ര​ലിൽ വി​ശു​ദ്ധ കന്യകാ​ മ​റി​യ​ത്തി​ന്റെ ജ​ന​ന​പ്പെരുന്നാളി​ന്റെ ഭാ​ഗ​മാ​യു​ള്ള എട്ടുനോമ്പ് ആചരണത്തിന് തുടക്കമായി. കോട്ടയം ഭദ്രാസനാധിപൻ തോമസ് മോർ തിമോത്തിയോസ് പ്രധാന കാർമികത്വത്തിൽ ഇന്നലെ വൈകുന്നേരം നടന്ന സന്ധ്യാ പ്രാർത്ഥനയോടെയാണ് നോമ്പ് ആചരണത്തിന് തുടക്കമായത്. സ​ന്ധ്യാ​പ്രാ​ർ​ത്ഥ​നയെ​ത്തു​ട​ർ​ന്ന് തോമസ് മോർ തിമോത്തിയോസിന്റെയും വൈ​ദി​ക​രു​ടെ​യും ക​ത്തീ​ഡ്ര​ൽ ഭാ​ര​വാ​ഹി​ക​ളു​ടെ​യും മാ​നേ​ജി​ങ് ക​മ്മി​റ്റി അം​ഗ​ങ്ങ​ളു​ടെ​യും നേ​തൃ​ത്വ​ത്തി​ൽ ക​ൽ​ക്കു​രി​ശി​ൽ ചുറ്റിവിളക്ക് ​തെ​ളി​ച്ചു. നേർച്ചക്കഞ്ഞി, വിൽപ്പന ക്യാന്റീൻ, മാനേജ്മെന്റ് ക്യാൻ്റീൻ എന്നിവടങ്ങളിലേക്ക് വൈദികർ കൽക്കുരിശിൽ നിന്ന് ദീപം പകർന്നു നൽകി. തു​ട​ർ​ന്ന് പെ​രു​ന്നാ​ളി​നോ​ട് അ​നു​ബ​ന്ധി​ച്ച് ആ​രം​ഭി​ച്ച വി​വി​ധ കൗ​ണ്ട​റു​ക​ളു​ടെ കൂദാശ വൈദികർ നിർ​വ്വ​ഹിച്ചു. വൈ​ദ്യു​ത ദീ​പാ​ല​ങ്കാ​ര​ത്തിന്റെ സ്വി​ച്ച് ഓ​ൺ ക​ർ​മ്മ​വും പോ​ലീ​സ് ക​ൺ​ട്രോ​ൾ റൂ​മി​ൻറെ​ ഉ​ദ്ഘാ​ട​നവും കോ​ട്ട​യം ജി​ല്ലാ പോ​ലീ​സ് മേ​ധാ​വി ഷാഹുൽ ഹ​മീ​ദ് നി​ർ​വ്വ​ഹി​ച്ചു. 

        ഇ​നി​യു​ള്ള എ​ട്ടു ദി​ന​രാ​ത്ര​ങ്ങ​ൾ വ്രത​ശു​ദ്ധി​യു​ടെ പു​ണ്യ​ദി​ന​ങ്ങ​ളാണ്. പള്ളിയിൽ ഭജനയിരുന്നു നോ​മ്പു​നോ​റ്റും ഉ​പ​വാ​സ​മെ​ടു​ത്തും പ​ള്ളി​യി​ൽ ക​ഴി​യാ​ൻ നാ​നാ​ജാ​തി മ​ത​സ്ഥ​രാ​യ വി​ശ്വാ​സി​ക​ൾ നാടിന്റെ വിവിധ ഭാ​ഗങ്ങളിൽ എത്തിത്തുടങ്ങി. ഇ​നി​യു​ള്ള എ​ട്ടു​ദി​ന​ങ്ങ​ളി​ലും മാ​താ​വി​നോ​ടു​ള്ള പ്രാ​ർ​ത്ഥ​ന​ക​ളും അ​പേ​ക്ഷ​ക​ളും ലു​ത്തി​നി​യ​ക​ളും വേ​ദ​വാ​യ​ന​ക​ളും ഒ​ക്കെ മു​ഴ​ങ്ങു​ന്ന ആ​ത്മീ​യ അ​നു​ഭൂ​തി​യു​ടെ അ​ന്ത​രീ​ക്ഷ​മാ​യി​രി​ക്കും പ​ള്ളി​യി​ലും പ​രി​സ​ര​ങ്ങ​ളി​ലും. പ്രാ​ർ​ത്ഥ​നാ​പൂ​ർ​വ്വം വ​ന്നെ​ത്തു​ന്ന​വ​ർ​ക്കാ​യി ഒ​രു​ നാ​ട് ഒ​ന്ന​ട​ങ്കം കാ​ത്തി​രി​ക്കു​ന്ന അ​പൂ​ർ​വ​കാ​ഴ്ച്ച​യാ​ണ് മ​ണ​ർ​കാ​ട് എ​ട്ടു​നോ​മ്പ് പെ​രു​ന്നാ​ളി​നെ വ​ത്യ​സ്ത​മാ​ക്കു​ന്ന​ത്.