മെഡിക്കൽ കോളേജാശുപത്രിയില് ചികിത്സയിലിരിക്കെ രക്ഷപ്പെട്ട കുപ്രസിദ്ധ മോഷ്ടാവ് മണിക്കൂറുകള്ക്കുള്ളില് പൊലീസ് പിടിയിലായി.
കണ്ണൂർ: പരിയാരത്തെ കണ്ണൂർ മെഡിക്കല് കോളേജാശുപത്രിയില് ചികിത്സയിലിരിക്കെ രക്ഷപ്പെട്ട കുപ്രസിദ്ധ മോഷ്ടാവ് മണിക്കൂറുകള്ക്കുള്ളില് പൊലീസ് പിടിയിലായി. കൊല്ലം സ്വദേശി തീവെട്ടി ബാബു (60) ആണ് ഇന്ന് ഉച്ചയോടെ ഏമ്പേറ്റ് ഗ്രൗണ്ടിന് സമീപം വെച്ചു പൊലീസ് പിടിയിലായത്. ഇന്ന് രാവിലെ 10.15നാണ് ഇയാള് മെഡിക്കല് കോളേജാശുപത്രിയിലെ വാർഡില് നിന്നും പൊലീസുകാരുടെ കണ്ണ് വെട്ടിച്ച് രക്ഷപ്പെട്ടത്.
പയ്യന്നൂർ പോലീസ് സ്റ്റേഷൻ പരിധിയില് മോഷണക്കേസില് പ്രതിയായ ഇയാള്, മെഡിക്കല് കോളേജ് ആശുപത്രിയില് ചികിത്സയില് ഇരിക്കെയാണ് കസ്റ്റഡയില് നിന്നും രക്ഷപ്പെട്ടത്. പൊലീസ് നടത്തിയ പരിശോധനയിലാണ് ഏമ്പേറ്റില് നിന്നും പ്രതി മണിക്കൂറുകള്ക്കുള്ളില് പിടിയിലായത്. നിരവധി മോഷണ കേസിലെ പ്രതിയാണ് 'തീവെട്ടി ബാബു' ജയിലില് കഴിയവെ അസുഖ ബാധിതനായതിനെ തുടർന്നാണ് ഇയാളെ കഴിഞ്ഞ ദിവസം മെഡിക്കല് കോളേജാശുപത്രിയില് പ്രവേശിപ്പിച്ചത്.
0 Comments