ആലപ്പുഴ: വനിതാ ശിശു ആശുപത്രിക്കു സമീപമുള്ള അമ്മത്തൊട്ടിലിൽ പുതിയ അതിഥിയെത്തി. മൂന്ന് ദിവസം പ്രായവും 2.5 കി.ഗ്രാം ഭാരവുമുള്ള ആൺ കുഞ്ഞിനെയാണ് ലഭിച്ചത്. ഒക്ടോബർ ഒന്നിന് വീണ എന്ന പെൺകുഞ്ഞിനെയും ആലപ്പുഴയിൽ ലഭിച്ചിരുന്നു.
ആശുപത്രിയിൽ എത്തിച്ച് നടത്തിയ പ്രാഥമിക പരിശോധനയിൽ കുഞ്ഞിന് മറ്റ് ആരോഗ്യപ്രശ്നങ്ങൾ ഒന്നുമില്ലെന്ന് കണ്ടെത്തി. നിലവിൽ ആശുപത്രി നിരീക്ഷണത്തിലാണ് കുട്ടി.
പുതിയ അതിഥിയുടെ ദത്തെടുക്കൽ നടപടിക്രമങ്ങൾ ആരംഭിക്കേണ്ടതിനാൽ, കുരുന്നിന് അവകാശികൾ ആരെങ്കിലുമുണ്ടെങ്കിൽ അടിയന്തരമായി ബന്ധപ്പെടെണമെന്ന് സംസ്ഥാന ശിശുക്ഷേമ സമിതി ജനറൽ സെക്രട്ടറി അഡ്വ. ജി.എൽ. അരുൺ ഗോപി അറിയിച്ചു.
ആലപ്പുഴയിൽ ജനിച്ച് കേരളത്തിൻ്റെ
സമരപോരാട്ടങ്ങളിൽ നെടുനായകത്വം
വഹിച്ച അന്തരിച്ച മുൻമുഖ്യമന്ത്രി വി.എസ്. അച്യുതാനന്ദൻ്റെ സ്മരണാർത്ഥം കുരുന്നിന് "അച്യുത്" എന്ന് പേരിട്ടതായി ശിശുക്ഷേമ സമിതി ജനറൽ സെക്രട്ടറി അറിയിച്ചു.
0 Comments