ചക്കുളത്തുകാവ് ശ്രീഭഗവതി ക്ഷേത്രത്തിലെ പൊങ്കാല മഹോത്സവം ഇന്ന്.
തിരുവല്ല : ചക്കുളത്തുകാവ് ശ്രീഭഗവതി ക്ഷേത്രത്തിലെ പൊങ്കാല മഹോത്സവം ഇന്ന്. പുലര്ച്ചെ നാലിന് നിര്മാല്യദര്ശനവും അഷ്ടദ്രവ്യ മഹാഗണപതി ഹോമവും നടന്നു. 9ന് വിളിച്ചുചൊല്ലി പ്രാര്ത്ഥനയ്ക്ക് ശേഷം, ക്ഷേത്ര ശ്രീകോവിലിലെ കെടാവിളക്കില് നിന്ന് ക്ഷേത്ര കാര്യദര്ശി മണിക്കുട്ടന് നമ്പൂതിരി കൊടിവിളക്കിലേക്ക് ദീപം പകർന്നു. തുടര്ന്ന് നടപ്പന്തലില് പ്രത്യേകം തയ്യാറാക്കിയ പണ്ടാര പൊങ്കാല അടുപ്പിലേക്ക് മുഖ്യകാര്യദര്ശി രാധാകൃഷ്ണന് നമ്പൂതിരി അഗ്നി ജ്വലിപ്പിച്ച് പൊങ്കാലക്ക് തുടക്കം കുറിച്ചു. മണിക്കുട്ടന് നമ്പൂതിരിയുടെ അദ്ധ്യക്ഷതയില് നടക്കുന്ന സംഗമത്തില് കേന്ദ്രമന്ത്രി ജോര്ജ് കുര്യന് പൊങ്കാലയുടെ ഉദ്ഘാടനം നിര്വഹിച്ചു. തമിഴ്നാട് മുന് മുഖ്യമന്ത്രി ഒ. പനീര്ശെല്വം ഭദ്രദീപ പ്രകാശനം നടത്തി. ക്ഷേത്ര മേല്ശാന്തി അശോകന് നമ്പൂതിരിയുടെ നേതൃത്വത്തില് ട്രസ്റ്റിമാരായ രഞ്ജിത്ത് ബി. നമ്പൂതിരി, ദുര്ഗാദത്തന് നമ്പൂതിരി എന്നിവരുടെ ആഭിമുഖ്യത്തില് പൊങ്കാല സമര്പ്പണ ചടങ്ങുകള് നടക്കും. 11 മണിക്ക് 500ലധികം വേദപണ്ഡിതന്മാരുടെ മുഖ്യകാര്മ്മികത്വത്തില് ദേവിയെ 51 ജീവതകളിലായി എഴുന്നള്ളിച്ച് ഭക്തര് തയ്യാറാക്കിയ പൊങ്കാല നേദിക്കും. പൊങ്കാല നേദ്യത്തിനു ശേഷം ദിവ്യാഭിഷേകവും ഉച്ചദീപാരാധനയും നടക്കും. വൈകുന്നേരം അഞ്ചിന് സാംസ്കാരിക സമ്മേളനം. തുടര്ന്ന് ബംഗാള് ഗവര്ണ്ണര് ഡോ. സി.വി. ആനന്ദബോസ് കാര്ത്തികസ്തംഭത്തില് അഗ്നി പ്രോജ്വലിപ്പിക്കും.
0 Comments