മഴക്കെടുതി: ആലപ്പുഴ ജില്ലയിൽ രണ്ട് മരണം കൂടി.
ആലപ്പുഴ: മഴക്കെടുതിയെ തുടർന്ന് ആലപ്പുഴ ജില്ലയിൽ രണ്ട് മരണം കൂടി. കുട്ടനാട് പുളിങ്കുന്നിൽ വെള്ളം കയറിയ വീട്‌ വൃത്തിയാക്കാനെത്തിയ ഗൃഹനാഥൻ ഷോക്കേറ്റും മാമ്പുഴക്കരിയിൽ എസി കനാലിൽ വീണ് വധോധികനുമാണ് മരിച്ചത്.
പുളിങ്കുന്ന്‌ കണ്ണാടി പുതുവൽ പി.പി. മണിയൻ (72) ആണ്‌ ഷോക്കേറ്റ്‌ മരിച്ചത്. വ്യാഴാഴ്ച രാത്രി ഒമ്പതിനാണ് സംഭവം. പുറത്തുപോയി മടങ്ങി എത്തിയ ഭാര്യ ജയിനമ്മയാണ്‌ മണിയനെ ഷോക്കേറ്റ്‌ മരിച്ച നിലയിൽ കണ്ടെത്തിയത്‌. വീടിന്‌ ചുറ്റും വെള്ളക്കെട്ടായിരുന്നു.
മാമ്പുഴക്കരിയിൽ നിന്ന്‌ കാണാതാതായ രാമങ്കരി എസ്‌എൻഡിപിക്ക് സമീപം താമസിക്കുന്ന കോമരത്തുശേരി വീട്ടിൽ പുരുഷോത്തമനെയാണ്‌ (88) എസി കനാലിൽ മരിച്ച നിലയിൽ കണ്ടെത്തിയത്‌. ജില്ലയിൽ ഇതോടെ മഴക്കെടുതിയിൽ മരിച്ചവരുടെ എണ്ണം ആറായി.
0 Comments