കോരിച്ചൊരിഞ്ഞ പേമാരിയിൽ കോൺക്രീറ്റ് പണി കഴിഞ്ഞയുടൻ വീട് തകർന്നു.

കോരിച്ചൊരിഞ്ഞ പേമാരിയിൽ കോൺക്രീറ്റ് പണി കഴിഞ്ഞയുടൻ വീട് തകർന്നു.

 

മലപ്പുറം: പൊന്നാനിയിൽ നിർമ്മാണത്തിലിരിക്കുന്ന വീട് കനത്ത മഴയിലും കാറ്റിലും തകർന്നു. പൊന്നാനി മിസിരി പള്ളിക്കു സമീപം മത്സ്യത്തൊഴിലാളിയായ ആല്യാമാക്കാനാകത്ത് അബ്ദുല്ല ബാവയുടെ ഇരുനില വീടാണ് നിലംപൊത്തിയത്. വ്യാഴാഴ്ച വൈകിട്ടായിരുന്നു അപകടം. വീടിന്റെ മേൽക്കൂരയുടെ കോൺക്രീറ്റ് നിർമ്മാണം പൂർത്തിയായി ഒരു മണിക്കൂർ പിന്നിട്ടപ്പോഴാണ് മഴയെത്തുടർന്നുണ്ടായ ശക്തമായ കാറ്റിൽ വീട് തകർന്നത്. കോൺക്രീറ്റ് പണി കഴിഞ്ഞ് ജോലിക്കാർ മാറിയിരുന്നതിനാൽ വലിയ ദുരന്തം ഒഴിവായി. 25 ലക്ഷം രൂപയുടെ നഷ്ടമാണ് കണക്കാക്കുന്നത്.