കാലവര്‍ഷക്കെടുതിയെ നേരിടാന്‍ പോലീസ് സജ്ജമെന്ന് കോട്ടയം ജില്ലാ പോലീസ് മേധാവി.

കാലവര്‍ഷക്കെടുതിയെ നേരിടാന്‍ പോലീസ് സജ്ജമെന്ന് കോട്ടയം ജില്ലാ പോലീസ് മേധാവി.

കോട്ടയം: കാലവർഷക്കെടുതിയെ നേരിടാൻ കോട്ടയം ജില്ലാ പോലീസ് സജ്ജമാണെന്ന് ജില്ലാ പോലീസ് മേധാവി കെ. കാര്‍ത്തിക്ക് പറഞ്ഞു. ഇതു സംബന്ധിച്ച് ജില്ലയിലെ എല്ലാ എസ്ച്ച്ഓമാർക്കും നിർദ്ദേശം കൊടുത്തു. കഴിഞ്ഞ പ്രാവശ്യം വെള്ളപ്പൊക്കവും, മണ്ണിടിച്ചിലും  ഉണ്ടായ മേഖലകളുടെ പട്ടിക പോലീസ് റവന്യൂ അധികാരികളുടെ സഹായത്തോടെ തയ്യാറാക്കിയിട്ടുണ്ട്.  ഇവരെ മാറ്റിപ്പാർപ്പിക്കേണ്ട അവസ്ഥയുണ്ടായാൽ, ആവശ്യമായ സ്ഥലം കണ്ടെത്താനുള്ള നടപടിയും സ്വീകരിച്ചിട്ടുണ്ട്. ജില്ലയിലെ ഉയർന്ന മലയോര പ്രദേശങ്ങളും, താഴ്ന്ന പ്രദേശങ്ങളും തരംതിരിച്ച് ഇവിടെയുള്ള സ്റ്റേഷനുകളിലേക്ക് ആവശ്യമായ വാഹനങ്ങൾ, അസ്ക ലൈറ്റുകൾ, വടം, ടോർച്ചുകള്‍, ലൈഫ് ജാക്കറ്റുകൾ, ജനറേറ്റുകൾ മറ്റു രക്ഷാപ്രവർത്തനങ്ങൾക്ക് ആവശ്യമായ ഉപകരണങ്ങൾ എല്ലാം  സജ്ജമാക്കിക്കഴിഞ്ഞു. ജില്ലയിലെ പോലീസ് സ്റ്റേഷനുകളും കളക്ടറേറ്റുമായി ചേർന്ന് ജില്ലാതലത്തിൽ കൺട്രോൾ റൂമുകൾ പ്രവർത്തനം ആരംഭിച്ചിട്ടുണ്ട്. മഴയുമായി ബന്ധപ്പെട്ട വ്യാജപ്രചരണങ്ങളിൽ ജനങ്ങൾ പരിഭ്രാന്തരാകാതിരിക്കുക. അത്തരം വ്യാജ പ്രചരണങ്ങൾ നടത്തുന്നവർക്കെതിരെ ശക്തമായ നിയമനടപടി സ്വീകരിക്കുമെന്നും പോലീസ് മേധാവി പറഞ്ഞു.