പാചകവാതക വില വര്‍ദ്ധിപ്പിച്ചു.

പാചകവാതക വില വര്‍ദ്ധിപ്പിച്ചു. 

കൊച്ചി: രാജ്യത്തെ പാചക വാതക വില വര്‍ദ്ധിപ്പിച്ചു. പതിവ് പ്രതിമാസ വില പുനര്‍നിര്‍ണ്ണയത്തില്‍ വാണിജ്യ സിലിണ്ടറുകള്‍ക്ക് 39 രൂപയാണ് വര്‍ദ്ധിപ്പിച്ചത്. ഇതോടെ ഡല്‍ഹിയില്‍ 19 കിലോ ഗ്രാം വരുന്ന പാചക വാതക സിലിണ്ടര്‍ ഒന്നിന് 1691.50 എന്ന നിലയിലെത്തി. പുതിയ വില ഇന്നു മുതല്‍ നിലവില്‍ വന്നു. 

        വാണിജ്യ സിലിണ്ടറുകള്‍ക്ക് വില വര്‍ദ്ധിപ്പിച്ചെങ്കിലും ഗാര്‍ഹിക സിലിണ്ടറുകള്‍ക്ക് നിലവിലെ വിലയില്‍ മാറ്റമില്ല. ജൂലൈ ഒന്നിന് വാണിജ്യ  സിലിണ്ടര്‍ ഒന്നിന് 30 രൂപ കൂറച്ചിരുന്നു. ഓഗസ്റ്റിലെ വില നിര്‍ണ്ണയത്തില്‍ 8.50 രൂപ കൂട്ടുകയും ചെയ്തിരുന്നു. ഇതിന് പിന്നാലെയാണ് സെപ്തംബറില്‍ 39 രൂപ വര്‍ദ്ധിപ്പിച്ചത്.