പൂജവയ്‌പ്: 11-ാം തീയതി സംസ്ഥാനത്തെ സ്‌കൂളുകൾക്ക് അവധി.
തിരു.: പൂജവയ്‌പുമായി ബന്ധപ്പെട്ട് 11-ാം തീയതി സംസ്ഥാനത്തെ സ്‌കൂളുകൾക്ക് അവധി നൽകും. ഇതിനായി ഉത്തരവ് ഉടൻ ഇറങ്ങുമെന്നു മന്ത്രി വി. ശിവൻകുട്ടി അറിയിച്ചു.
സാധാരണയായി ദുർഗ്ഗാഷ്ടമി ദിവസം സന്ധ്യയ്ക്കാണ് പുസ്‌തകങ്ങൾ പൂജയ്ക്കു വയ്ക്കുന്നത്. ഇത്തവണ 2 ദിവസങ്ങളിലായി സൂര്യോദയത്തിനു തൃതീയ വരുന്നതിനാൽ അഷ്‌ടമി സന്ധ്യയ്ക്കു വരുന്ന 10നു വൈകിട്ടാണു പൂജവയ്‌പ്. ഈ സാഹചര്യത്തിൽ 11ന് അവധി നൽകണമെന്നാവശ്യപ്പെട്ട് വിവിധ സംഘടനകൾ സർക്കാരിന് നിവേദനം നൽകിയിരുന്നു.
0 Comments