ചങ്ങനാശ്ശേരി അതിരൂപതയുടെ ആർച്ച് ബിഷപ്പായി മാർ തോമസ് തറയിൽ അഭിഷിക്തനായി.

ചങ്ങനാശ്ശേരി അതിരൂപതയുടെ  ആർച്ച് ബിഷപ്പായി മാർ തോമസ് തറയിൽ അഭിഷിക്തനായി.

കോട്ടയം: ചങ്ങനാശ്ശേരി അതിരൂപതയുടെ ആർച്ച് ബിഷപ്പായി മാർ തോമസ് തറയിൽ അഭിഷിക്തനായി. ചങ്ങനാശ്ശേരി മെത്രോപോലീത്തൻ പള്ളിയിൽ നടന്ന സ്ഥാനരോഹണ ശുശ്രൂഷകൾക്ക് മേജർ ആർച്ച് ബിഷപ്പ് മാർ റാഫേൽ തട്ടിൽ മുഖ്യകാർമ്മികത്വം വഹിച്ചു. മാർ ജോസഫ് പെരുന്തോട്ടം, മാർ ജോസഫ് കല്ലറങ്ങാട്ട് എന്നിവർ ചടങ്ങിൽ സഹകാർമ്മികരായിരുന്നു

      ചങ്ങനാശേരി ആർച്ച് ബിഷപ്സ് ഹൗസിൽ നിന്നു രാവിലെ 8.45ന് വിവിധ രൂപതാധ്യക്ഷന്മാരും വിശിഷ്ട അതിഥികളും സെന്റ് മേരീസ് മെത്രാപ്പോലീത്തൻ പള്ളി പാരിഷ് ഹാളിൽ എത്തിച്ചേർന്നു. അവിടെ നിന്നു ബിഷപ്പുമാർ തിരുവസ്ത്രങ്ങളണിഞ്ഞ് പ്രദക്ഷിണമായി പ്രത്യേകം തയാറാക്കിയിരിക്കുന്ന പന്തലിലെ മദ്ബഹയിലെത്തി. തിരുക്കർമ്മങ്ങൾക്കു മുന്നോടിയായി ആർച്ച് ബിഷപ് മാർ ജോസഫ് പെരുന്തോട്ടം സ്വാഗതമാശംസിച്ചു. തുടർന്ന് ചാൻസലർ റവ. ഡോ. ഐസക് ആലഞ്ചേരി മാർ തോമസ് തറയിലിന്റെ നിയമനപത്രം വായിച്ചു. പ്രഖ്യാപനത്തെ തുടർന്ന് സ്ഥാനചിഹ്നങ്ങൾ അണിഞ്ഞ് മാർ തോമസ് തറയിലിനെ മദ്ബഹയിൽ ഉപവിഷ്ട‌നാക്കി. ആദരസൂചകമായി ദേവാലയമണികൾ മുഴക്കി. ആചാര വെടികളും ഉയർന്നു. അതിരൂപതയുടെ ഒമ്പതാമത് ബിഷപ്പും അഞ്ചാമത് ആർച്ച് ബിഷപ്പുമാണ് മാർ തോമസ് തറയിൽ.