സർക്കാർ ജീവനക്കാരന് ഓഫീസ് പൂട്ടുന്നതിനിടെ പാമ്പ് കടിയേറ്റു.

സർക്കാർ ജീവനക്കാരന് ഓഫീസ് പൂട്ടുന്നതിനിടെ പാമ്പ് കടിയേറ്റു.

 

 

മലപ്പുറം: സർക്കാർ ജീവനക്കാരന് പാമ്പ് കടിയേറ്റു. ഓഫീസ് അടയ്ക്കുന്നതിനിടെ മലപ്പുറം ജില്ലാ വിദ്യാഭ്യാസ ഓഫീസ് അറ്റൻഡറായ മുഹമ്മദ് ജൗഹറിനാണ് പാമ്പുകടി ഏറ്റത്. ബുധനാഴ്ച വൈകുന്നേരം അഞ്ചരയോടെ ഓഫീസിനുള്ളിൽ വെച്ചാണ് ഈ സംഭവം ഉണ്ടായത്.

       ഓരോരോ സെക്ഷനായി അടയ്ക്കുകയായിരുന്നു ഇദ്ദേഹം. അതിനിടയിലാണ് ഒരു സെക്ഷനിലെ റാക്കിൽ നിന്ന് പാമ്പുകടിച്ചത്. ഉടനെ മഞ്ചേരി മെഡിക്കൽ കോളേജ് ആശുപത്രിയിലെത്തിച്ചു. പാമ്പുപിടിത്തക്കാരനെ എത്തിച്ച് പാമ്പിനെ പിടികൂടുകയും ചെയ്തു. കടിച്ചത് വിഷമില്ലാത്ത ഇനമായ മോൺടെൻ ട്രിൻകറ്റ് വിഭാഗത്തിൽപ്പെട്ട പാമ്പാണെന്ന് വിദഗ്ധർ പറഞ്ഞു.